Extra Virgin (已結業)

我同朋友都好夹到时间见面食下饭，所以难得夹到时间就二话不说就约左午餐食饭。呢间餐厅我都系第一次食，系朋友介绍既，佢话呢间每碟份量都几大份，仲话开左无几耐。入到去坐底无几耐就落order，因为食物选择不算太多，不过佢价钱都几吸引系中环区黎讲，而且仲包野饮。我叫左个柠檬汁牛油鱼柳饭，黎到都吓亲，都真系份量几多，不过好彩我都唔细食，都食得晒。而我朋友叫左个意粉，再加一个细沙律，两杯饮品。海撒沙律有蛋真系好少见，所以呢个值得加分，仲要睇得岀佢唔系随便放，系有心机放靓整体都唔错，佢系开放式厨房，所以见到个厨师系到煮意粉，环境都唔错，坐得舒服。希望佢黎紧可以多啲菜式，我买单问个老板会唔会多啲菜式，佢话黎紧会有。