民華餐廳

营业中

休息中

同朋友打完波喺旺角附近搵咗一間民華餐廳，入邊真係好多人冇諗過茶餐廳都坐到咁爆滿，同朋友太肚餓，好想叫個飯，呢度有個咖喱雞扒飯亦都有咖喱牛腩飯，仲要係廚師推介，睇到都流晒口水好想食。另外我朋友叫咗個常餐竟然發現到呢度常餐有薑絲牛肉麵，平時最多見到沙嗲牛肉麵，居然喺呢度見到有薑絲，唔係一隻隻係一條條架哈哈😄。食落去個味道又唔錯喎，佢唔係辛辣，而係有少少強烈嘅味道。仲有個西多士原來可以揀煉奶，啲奶多到的晒出嚟，非常Yummy！直情有啲似平時食到嘅奶醬多，太大件我都覺得飽晒。原來呢度仲有懷舊點心，我食咗兩籠奄春旦燒賣，每籠三隻，仲要即叫即蒸，價格亦都唔貴只係$17。