黃金燒味 (已結業)

今晚在湾仔收工，行去最近的西隧巴士站谂住坐巴士过海返屋企，喺巴士站见到几条人龙，其中一条竟然是从一间烧味店排出来的，原来系排队买外卖。我又唔系太赶时间，咪走去八一八，顺便入去食埋个饭，一边吼实个巴士app，夹啱时间埋单上巴士。一个人食，最好就系叫碟头饭，于是点了一个 “份量十足碟头饭套餐”，十几廿款烧味、卤味任拼，双拼都只是$54，跟凉拌小食一份、热饮或老火汤，绝对抵过𠮶啲连锁快餐店。我素来都唔会待薄自己，所以加了多少少钱upgrade一下今晚个套餐，加了半只咸蛋和一碟油菜，饮冻柠茶。另外，老板娘仲送多一个老火汤俾我饮，好感动动。【青瓜小凉拌】好爽脆。【冻柠茶】味道偏淡，但胜在够冰冻。【蚝油菜芯】用骨汤浸熟的，所以零舍好味。今晚个【老火汤】佛手瓜猪骨汤，果然系老火汤，好够火喉。主角始终都系呢个碟头饭 【叉烧/烧肉饭】+ 半双咸蛋。叉烧少少肥，好多蜜汁，边边部份少少㶶，食落特别香口。傍边跟咗一碟【黄金芥末】，用来点脆皮烧肉真系绝配。至于咸蛋啲油份差少少。加咗蜜汁叉烧豉油嘅饭底，非常正!用咗大约半个钟去完成呢餐饭，睇睇巴士app，时间刚刚好，埋单后，直出门外，就上到西隧巴士，超方便!