汐

营业中

休息中

百乐向来都多美食，今次去咗间食得较健康嘅小店！就算我呢排食减脂餐都拣到嘢食😆环境小店都整咗2张塌塌米，再加吧台，温馨小店风格。餐牌是日星期日中午前往，选择唔算多，但食得健康都有唔少嘢讲，鱼生类同沙律都有。 “汐”招牌富士山卡邦尼意粉 $148 朋友钟意食卡邦尼意粉，富士山相信系蟹柳丝堆积而成，令平时比较容易觉得好腻嘅卡邦尼意粉又带返清新啲嘅口感，加上蟹籽紫菜等配料，整碟份量都唔少。另外可以+$38变套餐，包柠檬茶/美式咖啡/汽水+精选甜品，是日精选甜品有伯爵茶蛋糕！ 明太子八爪鱼配北海道刺身带子 $138 钟意食鱼生之人，呢个丼饭啱晒，又低卡，除咗明太子、八爪鱼、北海道刺身带子之外，同样有蟹柳丝，仲有青瓜粒、粟米粒，底层舖满饭，绝对够饱肚，加上沙律酱唔会怕味寡。 和歌山橘子咖啡 $42 本身想叫豆腐咖啡，但无得转脱脂奶所以店员推荐呢杯和歌山橘子咖啡 ，之前都饮过橙啡，酸酸甘甘系十分舒服。