日喜樓 (已結業)

同事约咗成个月，终于约到食日喜楼嘅百碟宴！话说呢围菜，主打sell 100碟内有50款不同京川沪菜色，价钱为$4688/ 10-12人 一围未计加一。当晚我哋有14人，所以要额外加钱 （然而我又唔系好明点解要加，因为碟数并没有增加）除此之外，我哋add on咗2小时free flow drink，饮品选择都几多，有啤酒红酒白酒花茶，但啲花茶全部都唔系几好饮 黑啤同白酒就值得一赞讲番啲食物先，其实绝大部份都几好味 一次过可以试到咁多种唔同嘅选择，真系唔系成日都有呢个机会！基本上全部食物味道都中规中矩，但系冇乜边道菜令我有好深印象。而讲到卖相最靓应该系呢笼蒸包点。不过我冇试味道，因为佢得六粒，唔够分～总括嚟讲，食百碟宴都系打卡呃like行先，因为最后埋单要成$540 一个人，而呢个价钱，应该可以两至三个人份量喺呢度叫a la carte。