天然豚骨拉麵專門店一蘭

营业中

休息中

早就听过唔少朋友推介一兰拉面，但一直都冇去食，呢排比较空闲就决定要去试下。我系午饭时间去，但入到去意外地唔洗等位。安顿好之后，就开始点菜。入到去当然系点拉面，个拉面我要左3块叉烧、清淡口味、较软面质、加青葱白葱同埋一份秘制酱油。除此之外仲点左一个抹茶杏仁豆腐。等待拉面黎到嘅时候，我系非常期待嘅，因为见咁多人赞赏，但当拉面黎到试第一啖嘅时候其实系失望，因为冇期望同想像中咁好食，然后再试叉烧，都系觉得一般⋯之后就有d失落咁食唒成碗。食完拉面之后就到抹茶杏仁豆腐，第一啖食落觉得相当有惊喜，因为觉得相当唔错，几香同滑，甚至觉得成个午饭嘅亮点系个甜品 。总括黎讲，拉面其实有少少名大于实，但抹茶杏仁豆腐唔错同埋服务都几好 。