百芳池上便當 (希慎廣場)

营业中

休息中

🍱香酥炸鸡腿便当 $63每个便当套餐都附白饭🍚，每日精选配菜三款、卤水蛋半只、饮品一杯。只炸鸡腿🍗比想像中大只，仲大只过menu张相，占咗差唔多半个便当，遮住晒其他𩠌。咁肚饿梗系第一啖就拎鸡髀食，一咬入口系脆卜卜。外皮炸得超酥脆，唔会系好厚粉嘅皮，反而系又薄又香又脆。鸡髀真系超嫩，食入口会有肉汁，又唔会有超肥嘅脂肪位（我唔喜欢好肥嘅肥肉。当日便当配菜有粉丝，菜脯同埋白菜🥬。粉丝份量俾得好够，食落竟然系会有少少辣辣地。因为无见到辣椒，所以食到辣味系unexpected嘅，但炒得好入味，可以成为成个便当入面排名第二嘅食物。菜脯、白菜同埋卤水蛋就无咩特别，普普通通咁。唯一可以拎出嚟讲嘅系个饭嘅份量比较少，因为配菜同鸡髀都多，变相食到最后无咩饭配𩠌，或者可能系我太肚饿唔够食哈哈🤣🤣🤣。随餐会配一杯嘢饮🍹，可以选阿萨姆红茶、茉香绿茶或碳焙乌龙。我哋就拣咗茉香绿茶，饮落比较甜，无咩特别茉香味，算系普普通通嘅嘢饮。不过overall嚟讲，成个便当都系好食又高质嘅，尤其个炸鸡髀🍗真系会令我想回头再食😋，下次可以再去试其他套餐。