影片
更多
2015-12-30
2096 浏览
翻睇番啲食评，原来对上一次嚟百乐潮州铜锣湾老店已经喺年几前嘅事。近50年嘅历史，晌依个年代卖少见少。虽然老店，单睇门面，金黄流线，簇新型格，喺迎合时代转变嘅见证，但却仍挂住「百乐酒楼」霓虹灯老招牌！最近，因店方被米芝莲捧为推介食肆之一，又引起多少少关注。是夜，一众朋友嚟到再尝其出众嘅潮菜。环境方面唔多讲，以前嘅食评都已经有描述。酸菜小碟虽然只喺咸酸菜一碟，但潮州嘅经典食材又点少得咸酸菜一份。昔日唔少潮州人晌码头做咕哩，一碗白粥，少少咸酸菜加菜脯就喺一餐。卤水鹅片拼豆腐另一潮菜经典「卤水」，又喺唔可以错过嘅嘢，所以，打孖两碟嚟，先试碟卤水鹅片。鹅片堆得满满，当然，下面喺垫咗豆腐啦，不过，豆腐入口滑溜，亦喺水准之作。而鹅片块块厚薄均一，既有肉香，又有卤水嘅醇厚，质软味足，好食！所以，就算卤水鹅片唔喺米芝莲推介菜式，嚟到百乐潮州都要例点啦！卤水鹅肝拼鹅肠唔怕胆固醇高，依道卤水鹅肝亦喺正嘢，厚切一片叠一片嘅鹅肝入口粉嫩甘腴，带淡淡卤水香；而鹅肠口感爽脆，全无异味，同样好味！豪华大拼盘首先最注目嘅喺中间嘅寿星公，栩栩如生，雕得细致。拼盘包括椒盐九肚鱼、炸芋蓉带子丸、发菜卷及麻油海蜇。九肚鱼脆口嫩
最近，因店方被米芝莲捧为推介食肆之一，又引起多少少关注。是夜，一众朋友嚟到再尝其出众嘅潮菜。环境方面唔多讲，以前嘅食评都已经有描述。
酸菜小碟虽然只喺咸酸菜一碟，但潮州嘅经典食材又点少得咸酸菜一份。昔日唔少潮州人晌码头做咕哩，一碗白粥，少少咸酸菜加菜脯就喺一餐。
卤水鹅片拼豆腐另一潮菜经典「卤水」，又喺唔可以错过嘅嘢，所以，打孖两碟嚟，先试碟卤水鹅片。鹅片堆得满满，当然，下面喺垫咗豆腐啦，不过，豆腐入口滑溜，亦喺水准之作。而鹅片块块厚薄均一，既有肉香，又有卤水嘅醇厚，质软味足，好食！所以，就算卤水鹅片唔喺米芝莲推介菜式，嚟到百乐潮州都要例点啦！
卤水鹅片拼豆腐
72 浏览
1 赞好
0 留言
唔怕胆固醇高，依道卤水鹅肝亦喺正嘢，厚切一片叠一片嘅鹅肝入口粉嫩甘腴，带淡淡卤水香；而鹅肠口感爽脆，全无异味，同样好味！
豪华大拼盘首先最注目嘅喺中间嘅寿星公，栩栩如生，雕得细致。拼盘包括椒盐九肚鱼、炸芋蓉带子丸、发菜卷及麻油海蜇。九肚鱼脆口嫩滑，带子丸嘅芋蓉粉香，发菜卷最有惊喜，咸咸香香，但质感柔软，海蜇平凡中却弹牙富芝麻香。
子母龙须虾潮州菜有唔少手工菜，制作甚花功夫，子母龙须虾就喺其中例。单讲卖相已经先声夺人，甚具气派，以面条包住酥炸，炸得金黄，好睇又好食；里面喺揾虾胶包住原只鲜虾所做，爽口弹牙，味道鲜甜，就连虾头嘅虾膏都零舍丰腴。
子母龙须虾
65 浏览
1 赞好
0 留言
沙爹牛肉炒芥兰唔喺店员讲，都估佢唔到原来佢都喺米芝莲嘅推介菜式之一，沙爹味道香浓而有花生香，够惹味，牛肉软腍却唔会有好似梳打「瘌」到散嘅感觉，芥兰又爽脆有菜味。
寸金绍菜包又喺手功菜，以绍菜包住虾、蟹肉、鲍鱼、冬菇……等等馅料制作，再淋上玻璃茨汁，绍菜清甜无比，清新不腻够健康，但丰富嘅馅料令味道多层次。
食过今晚依餐，潮州菜再唔喺墨鱼生肠咁简单！其实，潮州菜一向有好多手工菜，不过，好多人嫌烦又卖唔起钱而无再做，嚟到百乐，慢慢寻宝，就会揾到好多手工菜。
张贴
