富園海鮮酒家

营业中

休息中

行到佐敦道同弥敦道呢个位，揾嘢食就唔系好难，附近都有好多出名食店，不过我就唔钟意食到又赶又逼，加上我又唔系游客，无谓同人争位，所以就去咗间就手，系正路口既佐敦荟里面，拣咗间唔太起眼嘅酒楼，叫啲下午茶特价野慢慢自在食。烧卖正常旧式酒楼大小，不过咬开就知佢唔用绞碎肉，而系手刴猪肉，所以特别有咬口，味道略咸。虽然虾细但反而好有虾味。初时入去间酒楼旧旧地暗暗地，又望落唔太干净，一心只系坐耐啲对食物唔太有要求，唔打唔撞食到好嘢。至于肠粉同春卷，就不过不失，虾肠皮做得唔错，够香够滑，不过就无乜虾。春卷就用左虾胶去做，呢个就唔系好啱我口味。凤爪排骨饭啲排骨就够晒入味，而且最重要无碱水味，去到呢度，我估点心师傅应该都系啲老师傅，先做到呢啲味道。呢个基本野做齐，蒜蓉炒过啲料先至酿，都系咸左少少。至于环境就唔好太在意，而且非繁忙时间都多人，要同人撘枱，而且人手不足处理时间要多少少，不过呢个价钱，又有咁嘅质素，算系咁啦。