629雞蛋仔

营业中

休息中

系某个杂志见到呢间小食店既报导，然后见到朋友大推，即刻叫佢带我黎试下。不过地点真系有啲远，平时唔系住呢头真系唔会入黎。黎到见到有条小队排紧，得老板自己一个，落一个单先整一份，所以等左一阵先到我地。朋友点开格仔饼，我地就叫一份一齐share。老板好好人，帮我地切开一半，一人一个纸袋。一攞上手，格仔饼热辣辣，隔住个袋都闻到蛋香。个面烤得好均匀，成件野都好靓。影完相，即刻咬左啖。朋友无呃我，真系好重蛋味佢话呢个老细不惜以本伤人，落真蛋浆，我都load左阵先明系赞紧佢🧐。个格仔饼外脆内软，仲要入面好烟韧，加埋花生酱，真系无得输，好彩佢离我屋企远，如果唔系一定成日去食🤣🤰🏻，但下次有机会，一定试下佢个鸡蛋仔。