影片
更多
2017-07-12
200 浏览
同朋友庆生，放过佢唔驶佢谂食咩好，于是做左劲耐资料搜集，筛选净日本野，最后就拣左呢间餐厅黎试～朋友就食开好野嘅，而我就系一个比较冇咁「腌尖」嘅人，同埋食得好野少所以同佢食饭拣餐厅都要特别小心～呢间餐厅座位都认真系少，室内嘅得5张双人枱，跟住室外仲有D枱咁。好彩今日人唔算多，唔驶坐室外，如果唔系大热天时坐系室外食野都真系几系野～本身系睇中佢个个好多人推荐嘅蟹黄饭先黎嘅，谂住食硬啦，点知店员话依家冇得食要8月份个阵先会推出，真系伤心死...不过都可以试下其他野嘅，蟹黄饭唯有下次再黎食。同朋友一人叫一个主食，再叫D串烧呀小食呀黎share。佢呢度串烧款式都算几多，如果唔系就咁食串烧朋友叫嘅系元祖豚骨叉烧汤饭。都几特别，好少系其他舖见到有汤饭，所以朋友决定挑战下。由于朋友有D唔舒服，我就冇试佢个饭啦，不过问佢意见嘅时候佢就表示「Er...我好肚饿所以都唔紧要」，所以我就冇再问落去，大家可以自行想像呀～不过佢都表示个汤出奇地冇咩味精，呢个都算系好事黎嘅～而我就叫左个鳗鱼饭。近年爱上左食鳗鱼嘅我见到鳗鱼饭已经好想试，而且佢价钱算平，值得一战！佢块鳗鱼都算几大块，com 住大半个饭而汁都比得好够，唔
朋友就食开好野嘅，而我就系一个比较冇咁「腌尖」嘅人，同埋食得好野少所以同佢食饭拣餐厅都要特别小心～
呢间餐厅座位都认真系少，室内嘅得5张双人枱，跟住室外仲有D枱咁。好彩今日人唔算多，唔驶坐室外，如果唔系大热天时坐系室外食野都真系几系野～
本身系睇中佢个个好多人推荐嘅蟹黄饭先黎嘅，谂住食硬啦，点知店员话依家冇得食要8月份个阵先会推出，真系伤心死...不过都可以试下其他野嘅，蟹黄饭唯有下次再黎食。
同朋友一人叫一个主食，再叫D串烧呀小食呀黎share。佢呢度串烧款式都算几多，如果唔系就咁食串烧
朋友叫嘅系元祖豚骨叉烧汤饭。都几特别，好少系其他舖见到有汤饭，所以朋友决定挑战下。由于朋友有D唔舒服，我就冇试佢个饭啦，不过问佢意见嘅时候佢就表示「Er...我好肚饿所以都唔紧要」，所以我就冇再问落去，大家可以自行想像呀～不过佢都表示个汤出奇地冇咩味精，呢个都算系好事黎嘅～
而我就叫左个鳗鱼饭。近年爱上左食鳗鱼嘅我见到鳗鱼饭已经好想试，而且佢价钱算平，值得一战！
佢块鳗鱼都算几大块，com 住大半个饭而汁都比得好够，唔会有dry嘅感觉。不得不提嘅系佢真系比超多饭！如果一个人食晒成碗饭嘅话，应该真系唔驶叫小食都搞得掂。至于味道方面，我觉得都算唔错，鳗鱼又够嫩口，都几香鳗鱼味。配埋个汁甜甜地，真系会停唔到口一啖接住一淡。虽然唔称得上顶级，但以佢嘅质素，加埋佢嘅分量，绝对对得住呢个价钱。认真系大件夹抵食
之后我地就叫左香蒜烧茄子，烧甜薯，同埋汁烧鹿儿岛和牛。
香蒜烧茄子平时都系我嘅favourite，见呢度都唔算贵，梗系要叫黎试下～呢度嘅烧茄子同我之前食嘅比较起黎，冇烧得咁稔，虽然个人钟意再稔返少少少少嘅，但其实佢都算ok，稔之余都添返少少口感。
甜薯就比较普通，就系甜薯啰（系咪讲紧废话）
而一口牛我个 人都几钟意，一串有5粒左右，每粒都大大粒。可惜因为佢后来比较迟先上，我又唔记得左影相。
虽然以我呢个穷人黎讲都算系比较贵，但唔紧要啦一餐半餐～豁出去～
味道方面岩岩烧起嘅时候都几香口，牛味都重。而即使佢大大粒及厚身，但佢出奇地唔un，唔通呢个就系和牛嘅威力而肥嘅地方又唔多，我本身就系一个好怕肥肉嘅人，但呢度完全系可以成粒食冇问题～不过个人觉得佢烧得未系好够热，差少少，如果可以热多少少嘅话会更好。
最后就叫左个南瓜雪糕黎作为饭后甜品，见咁多人推荐，即使贵，但唔食好似对唔住自己！
佢真系以原只南瓜咁上，都几得意～神奇嘅系我同个fd边食边倾，都食左好耐先食晒成个雪糕，但佢都唔溶！呢点我非常欣赏！不过最搞笑嘅系我觉得佢食落唔似南瓜味，而似椰子味（到底系咩奇葩嘅味觉）无论我点食，我都完全食唔出佢有南瓜味。不过我朋友表示佢食得出南瓜味，因为佢以前好憎南瓜，所以对呢种味比较敏感。虽然佢最后都比我说服左系椰子味如果视佢为一个椰子雪糕嘅话，其实佢系几香嘅，甜度适中，而且口感都够滑。同埋佢份量都唔算细。不过平心而论，即使佢都算唔错，但$58食呢个雪糕都真系几唔抵，去食haagen-daz好似开心D～欣赏佢呢间餐厅冇限时，可以任坐～同朋友坐左成4个半钟吹水最岩～
总括而言呢餐都算系ok嘅。我会愿意返黎试佢个蟹黄饭～等我呀～～～～
题外话/补充资料：
建议餐厅将个叫waiter嘅钟设置系每张枱个度～虽然楼上好细，唔驶行几步路就㩒到，但下下插只手去人地张枱度㩒钟都唔系几好
(以上食记乃用户个人意见 , 并不代表OpenRice之观点。)
张贴
