影片
更多
2009-10-30
483 浏览
Happy Friday 见皇上皇集团系九龙湾exchange tower 开0左间皇廷，就一行11同事一齐上去试新野。食完大家小声四起!!!首先打去book 位已经打个突，有一名游魂亚姐听电话，迷迷糊糊帮我book 0左位。上到去，呢间野摆明系做酒席生意，力图升呢ok做到个场懒靓，不过极娘，唔讨好，而且个场三尖八角，摆酒唔得体，最抵食我地系前面食野，佢就系度装修个台，沙麈滚滚，欠卫生。讲番食物，先唔讲好唔好食，最基本食物热同上菜速度已经做唔到了，而且作为一间系commercial area 0既酒楼，如果做唔到0的野食出得快，点吸引到0的赶返工0既朋友去食呢?再讲食物质素，可以称得上系曳，个咩鬼野鱼虾蟹炒饭，收HK$78，三催四请先0黎到，0岩晒0的有病0既人食，因为完全冇味，最顶瘾所谓0既蟹系一条条蟹柳，完全冇诚意，如果系茶仔食，咁0既质素你收我30蚊我都忍你，大佬，你叫到自己贡劲，鱼虾蟹炒饭竟然系烂鬼蟹柳无味炒饭，咁你预0左我一次无回头。另外其他野食，流沙奶皇饱走0左流沙，蛋散无味……仲有无限漏单，不过埋单时，所有无出现过0既野食照计入单，所以要睇清楚。此外，唔知系咪新开，系有好
Happy Friday 见皇上皇集团系九龙湾exchange tower 开0左间皇廷，就一行11同事一齐上去试新野。食完大家小声四起!!!
首先打去book 位已经打个突，有一名游魂亚姐听电话，迷迷糊糊帮我book 0左位。
上到去，呢间野摆明系做酒席生意，力图升呢ok做到个场懒靓，不过极娘，唔讨好，而且个场三尖八角，摆酒唔得体，最抵食我地系前面食野，佢就系度装修个台，沙麈滚滚，欠卫生。
讲番食物，先唔讲好唔好食，最基本食物热同上菜速度已经做唔到了，而且作为一间系commercial area 0既酒楼，如果做唔到0的野食出得快，点吸引到0的赶返工0既朋友去食呢?
再讲食物质素，可以称得上系曳，个咩鬼野鱼虾蟹炒饭，收HK$78，三催四请先0黎到，0岩晒0的有病0既人食，因为完全冇味，最顶瘾所谓0既蟹系一条条蟹柳，完全冇诚意，如果系茶仔食，咁0既质素你收我30蚊我都忍你，大佬，你叫到自己贡劲，鱼虾蟹炒饭竟然系烂鬼蟹柳无味炒饭，咁你预0左我一次无回头。
另外其他野食，流沙奶皇饱走0左流沙，蛋散无味……仲有无限漏单，不过埋单时，所有无出现过0既野食照计入单，所以要睇清楚。
此外，唔知系咪新开，系有好多服务员，不过个个都好唔熟手，木台号又唔记得，叫佢催0的野食，净系识话我再去睇睇，拎只spoon 都一年咁，就算系埋单都好耐，但系全场只系2/3满人。
最后系怒点点心，不过坚持唔0黎0既情况之下，我地只有埋单回去，大家0既comment 都系，下次唔会再去，仲有谂定一阵食咩tea，因为食完都唔饱。
良心建议:加快食物出场0既时间，都唔求可以做多几转，at least 唔会吓走0的抱住试一试0既客人。野食又慢又唔热又漏单，大佬下昼仲要返工，边个得闲同你等，等你去问等你去追，仲有，竞争对手又多，平过你0既有，好食个你0既有，方便过你0既又有，真系想唔到我点解要帮衬啰。
张贴