影片
更多
2019-08-23
2463 浏览
一间餐厅，就算几好食，同咩人去？几时去？食啲乜嘢？整个感觉都因为呢几个元素可以好唔同。系饮食圈入面，有一些餐厅，总是神枱级水准，往往都有好多人趋之若鹜，可能因为太好食，可能因为难订枱，可能因为要识人先有好野食，种种原因，都令这些餐厅变得像传说一样。皇仁旧生会肯定就是一间这样的餐厅，当然好彩的我由当年跟名食家KC去食，到有朋友搞局，到有朋友识人可以订枱去食，到而家可以订枱，大大话食个十几次。当然，菜单可以倒背如流，基本上冇乜菜式系未食过，但每次再去都一定有个期待。今次难得炉兄搞局，以取经为名，为食为实，当晚食左餐，试下不同的菜单，为九月嘅局攞灵感。铁定于九月五日，小弟会开两围，有兴趣嘅就同我报名。未知皇仁旧生会系乜，又唔知食乜，不如睇吓呢晚有咩食啦。一坐低就有惊喜，子姜皮蛋系梁师傅送嘅，来自上环最有名的皮蛋，老饕实知，同枱食饭嘅人话系成世人最好食嘅子姜皮蛋，你信唔信？翡翠鸽片炒双蚌应该是最清新的选择，坦白讲我自己个人会喜欢食另一前菜鬼马油条一点，但双蚌坚炒得不错，送白酒和清酒一流。椒盐陈皮虾基本上系次次都一定会食，同佛跳墙嘅出现频率一样咁多，陈皮虾根据时令有大只又细只，今日系平常中规中矩
系饮食圈入面，有一些餐厅，总是神枱级水准，往往都有好多人趋之若鹜，可能因为太好食，可能因为难订枱，可能因为要识人先有好野食，种种原因，都令这些餐厅变得像传说一样。
皇仁旧生会肯定就是一间这样的餐厅，当然好彩的我由当年跟名食家KC去食，到有朋友搞局，到有朋友识人可以订枱去食，到而家可以订枱，大大话食个十几次。
当然，菜单可以倒背如流，基本上冇乜菜式系未食过，但每次再去都一定有个期待。
今次难得炉兄搞局，以取经为名，为食为实，当晚食左餐，试下不同的菜单，为九月嘅局攞灵感。
铁定于九月五日，小弟会开两围，有兴趣嘅就同我报名。
未知皇仁旧生会系乜，又唔知食乜，不如睇吓呢晚有咩食啦。
一坐低就有惊喜，子姜皮蛋系梁师傅送嘅，来自上环最有名的皮蛋，老饕实知，同枱食饭嘅人话系成世人最好食嘅子姜皮蛋，你信唔信？
翡翠鸽片炒双蚌应该是最清新的选择，坦白讲我自己个人会喜欢食另一前菜鬼马油条一点，但双蚌坚炒得不错，送白酒和清酒一流。
椒盐陈皮虾基本上系次次都一定会食，同佛跳墙嘅出现频率一样咁多，陈皮虾根据时令有大只又细只，今日系平常中规中矩的大小，椒盐味轻松，陈皮也不太强，入门吃皇仁必爱的菜单。
主角中嘅主角必是原盅炖佛跳墙，以鲍鱼，翅，金华火腿，鸡和一众靓料煲嘅原盅佛跳墙，多年来不知谋杀了几多菲林，每个人都必定影十几廿张相，鲍鱼翅也不用多说，汤头有几甜有几重嘅胶质都不用说，我觉得成件事最正嘅就系原只金华火腿，送上红酒，比起吃48个月西班牙黑毛猪更精采。
柚皮扣鹅掌相对普通，炉兄选这个确实令我觉得佢想吃得健康一点，柚皮够腍，鹅掌骨胶原丰富，不过当然最好味系那些放在底的生菜。
蜜饯煎加拿大桶蚝又系出席率很高，枱上头一次来的人也惊讶好少用上中式煮法有咁只大蚝，蜜饯味道强烈，煎得香而脆边，绝对是我喜欢的三甲之一。
蟹粉不是时令，但从来不决，蟹粉豆腐也是常见的选择，只不过说很出色是过不了自己，但看你和什么对比，说真，以这个价钱你喺外边都好难睇到咁大碟蟹粉。当然你唔好同我讲想去上海食平好多，唔理你系乜政见，呢度系香港，食靓又平蟹粉点同大陆比，好难，ok?
盐焗鸡系新鲜鸡，如果我自己写菜我一定唔会食呢个，毕竟冇乜难度，也吃不了厨房功架。盐焗鸡焗得不错，有鸡肠有鸡肝有鸡肾，样样都正，系呢个菜式最正嘅地方。
鱼蛋蕃茄浸胜瓜系我从来冇吃过亦都冇谂过会吃嘅野，不过出奇地又几好，特别系鱼蛋，蕃茄浸胜瓜唔通会晓飞？新鲜感是有，但如果下次我写菜，这个应该未必会叫了，但欣赏炉兄勇于尝试，你知道搞饭局写菜单其实好冒险，又怕人投诉呢样投诉个样，当你试过搞饭局，你就会欣赏搞饭局的人，从来都是吃力不讨好的工作。
一如平日，潮式芋头炒饭炒得非常好，只此一家，你别想在其他地方可以吃到这个饭，除非系冬天，当朋友很想吃生炒糯米饭的时候，呢个才会不在考虑之列。
腰果露汤圆的完美尾声，又滑又香又甜又浓，汤圆的小巧令人欣喜，绝对是次次同样好的演出。
总括来说，今晚嘅菜单都不错，无论份量食物都给了我灵感，谢谢炉兄的安排。9月5日，我试试写个和这个有点不同的菜单吧，有兴趣嘅，call我。
皇仁书院旧生会﹝中菜部﹞
铜锣湾高士威道120号
张贴
