Gees Restaurant & Bar (已結業)

今日做嘢去開皇后大道西依邊，記得之前聽朋友講過依度有間西餐廳環境好寧靜，食物有好有水準，今日終於有機會試一試！ 一去到已經好中意佢地個環境，啲燈光好柔和，枱與枱之間又吾會太迫，裝修又好有格調！ 跟住就到試下佢地啲嘢食先，頭盤叫左個鵝肝，淨係個賣相就已經好吸引，鵝肝煮既時間剛剛好，一放入口就好似雪糕咁溶左係個口度，好好口感，味道方面離遠已經聞到好香，加上係我中意食既重味，食到我吾停得口啊！ 主菜方面我就叫左個牛扒五成熟，不得不讚廚師手藝，因為好耐無試過係真係五成熟架，好多時都係太熟或太生，今次就剛剛好！味道方面佢地用既牛肉味好濃，咬落去完全吾靱，加小小海鹽個味道即係出曬黎，完全吾洗點汁都好好味，簡直係水準之作！ 今餐食得我好滿意，個朋友果然無介紹錯，下次一定叫多啲朋友黎一齊試多啲嘢！