影片
更多
2018-04-13
1433 浏览
是日屋企皇后生辰，又适逢龙悦出左个<龙虾鲍鱼夜宴>，由于之前已经去过呢度食晚饭又觉得唔错，于是乎早一个星期前已经订定台同讲定会食呢个餐，酒楼楼底算高，环境都舒适够光猛。六点半准时到达，星期六都比较少客，唔知点解觉得带位姐姐比较紧张，成日问我贵姓，坐低左又问多次，可能惊带错位卦，另外有个男经理好好服务，而且好客气，成日都好主动过黎我地张台，相反有个瘦既男经理啲服务就麻麻，好似唔愿做咁。讲返食物: 波士顿龙虾: 有6只，蒜茸开边蒸，黎到既时候好香，好大堆头，卖相好吸引，可惜食唔到龙虾本身既鲜味，而且比较细只，龙虾钳好轻身少肉; 当红乳猪全体: 呢个好好食，乳猪皮烧到好脆，而且一啲都唔肥，好快就已经俾我地食晒; 雀巢带子海中宝: 有西芹、虾、果仁、带子、红椒、黄椒、北寄贝，虾爽口弹牙，带子就较淋，北寄贝都弹牙，西芹、红椒、黄椒都爽脆，果仁都系脆身，好味; 陈皮葱花蒸鲜鲍鱼: 有16只，影相睇落去好似都几大只，但其实比较细只，如果数量少啲但大只啲既话就比较好，但都几好味; 虫草花冬瓜炖螺头: 其实仲有红烧花胶鸡丝翅同蟹肉鱼肚羹三样拣一样，我地钟意饮汤同埋汤要预订，所以拣左汤，个
六点半准时到达，星期六都比较少客，唔知点解觉得带位姐姐比较紧张，成日问我贵姓，坐低左又问多次，可能惊带错位卦，另外有个男经理好好服务，而且好客气，成日都好主动过黎我地张台，相反有个瘦既男经理啲服务就麻麻，好似唔愿做咁。
讲返食物:
波士顿龙虾: 有6只，蒜茸开边蒸，黎到既时候好香，好大堆头，卖相好吸引，可惜食唔到龙虾本身既鲜味，而且比较细只，龙虾钳好轻身少肉; 
当红乳猪全体: 呢个好好食，乳猪皮烧到好脆，而且一啲都唔肥，好快就已经俾我地食晒; 
雀巢带子海中宝: 有西芹、虾、果仁、带子、红椒、黄椒、北寄贝，虾爽口弹牙，带子就较淋，北寄贝都弹牙，西芹、红椒、黄椒都爽脆，果仁都系脆身，好味; 
陈皮葱花蒸鲜鲍鱼: 有16只，影相睇落去好似都几大只，但其实比较细只，如果数量少啲但大只啲既话就比较好，但都几好味; 虫草花冬瓜炖螺头: 其实仲有红烧花胶鸡丝翅同蟹肉鱼肚羹三样拣一样，我地钟意饮汤同埋汤要预订，所以拣左汤，个汤好好饮好足料，而且仲好大煲，每人饮左两碗都饮唔完;
清蒸沙巴大龙趸: 鱼肉唔算滑但都可以接受，都算大条; 
瑶柱金菇扒双蔬: 呢个就不过不失，普普通通咁啦，金菇切到同瑶柱一样大细，其实我揾唔到有瑶柱，哈哈; 
龙悦烧鹅皇: 本身个餐系一品脆皮烧鸡，加$200可转烧鹅皇，皇后生辰当然要食好啲食豪啲，所以我地加钱转左烧鹅，烧鹅又系好好味，肉质唔梅有咬口，半肥瘦，好靓仔，不过实在太饱食唔晒，打包左半只返屋企; 
飘香荷叶饭:食左咁多碟𩠌其实都好饱，不过见个荷叶饭好香所以食左半碗，食到冬菇粒，而且淡淡荷香，好好味; 
精美靓甜品: 陈皮红豆沙，好食，煲到起沙，唔太甜啱啱好; 总括黎讲，除左个龙虾之外，其余都唔错，如果星期一至四黎食会仲抵，因为同星期六都相差$400，另外酒楼上菜都几快，𩠌菜份量都足。
全包宴星期一至四 $1,888, 星期五$1,988, 星期六、日及假期 $2,288，包一支红酒或嘉士伯大樽装两樽，同埋6罐汽水，包12位茶芥同免收加一服务费。
张贴
