影片
更多
2022-07-07
697 浏览
金记冰室终于开到铜锣湾啦，仲要喺皇室堡2楼劲方便！门面同室内都好光猛整洁，职员都好快手同有礼貌，第一个印象唔错！室内环境都几宽敞，入到门口分咗两边空间，落单系用手机自助落单，介面清楚易明，操作简单，而且上菜都几快。呢度嘅套餐可以自选中式老火汤或者西汤，而月老火汤每日都唔同，今日星期三就有鸡脚雪耳南瓜汤。《 无骨海南鸡（套餐）油饭 $80 》（配中/西汤 及 餐茶） 餐汤拣咗老火汤，香浓冇沟水，用雪耳同鸡脚煲入口好滑，有饮骨胶原嘅感觉。海南鸡卖相唔系特别吸引，但系入口有惊喜，鸡有调过几入味，同埋都算滑；油饭都香，而且够爽唔会油腻；加$10 配特饮 《 薄荷杂果冰 》 朋友话唔似药水味都几好饮，而且高薪大杯，感觉几抵。《 铁板西冷牛扒 $ 108 配 意粉 烧汁 》（配中/西汤 及 餐茶） （选择西汤、自选五成熟 及 酱汁另上）然后西冷牛扒用铁板上够晒新鲜热辣，见到都已经好吸引～ 切开虽然已经系八、九成熟，但系肉质松软而且肉味够浓，加埋烧汁够提味，整体令人满意。西汤系罗宋汤，味道好香浓，微微地辣几开胃。开头以为系普通茶餐厅冇调味嘅意粉，点知系一大碟蕃茄味意粉，又几好味㖞。半碟有西兰花、
金记冰室终于开到铜锣湾啦，仲要喺皇室堡2楼劲方便！门面同室内都好光猛整洁，职员都好快手同有礼貌，第一个印象唔错！
室内环境都几宽敞，入到门口分咗两边空间，落单系用手机自助落单，介面清楚易明，操作简单，而且上菜都几快。呢度嘅套餐可以自选中式老火汤或者西汤，而月老火汤每日都唔同，今日星期三就有鸡脚雪耳南瓜汤。
《 无骨海南鸡（套餐）油饭 $80 》（配中/西汤 及 餐茶）
餐汤拣咗老火汤，香浓冇沟水，用雪耳同鸡脚煲入口好滑，有饮骨胶原嘅感觉。
海南鸡卖相唔系特别吸引，但系入口有惊喜，鸡有调过几入味，同埋都算滑；油饭都香，而且够爽唔会油腻；
加$10 配特饮 《 薄荷杂果冰 》
朋友话唔似药水味都几好饮，而且高薪大杯，感觉几抵。
《 铁板西冷牛扒 $ 108 配 意粉 烧汁 》（配中/西汤 及 餐茶）
（选择西汤、自选五成熟 及 酱汁另上）
然后西冷牛扒用铁板上够晒新鲜热辣，见到都已经好吸引～ 切开虽然已经系八、九成熟，但系肉质松软而且肉味够浓，加埋烧汁够提味，整体令人满意。
西汤系罗宋汤，味道好香浓，微微地辣几开胃。
开头以为系普通茶餐厅冇调味嘅意粉，点知系一大碟蕃茄味意粉，又几好味㖞。
半碟有西兰花、车厘茄同埋粟米，成个牛扒餐够份量好丰富！
餐饮配香滑奶茶 （自选多奶转炼奶少甜）
奶茶杯好有特色，热奶茶几香滑有惊喜。
身为冰室当然有晚餐，我就叫咗一个《 豉汁蒸仓鱼晚餐 $98 》即叫即蒸所以需时等待。
仓鱼好大条，其实够2个人食，自选多汁所以特别多豉汁俾我捞饭～话咁快就食晒成碗饭！职员仲好细心拎咗个大骨碟俾我。
饮品我就加$3要咗～《 冻柠檬咖啡（少甜）》
估唔到系冰室都有得饮Cafe嘅饮品，而且我仲见到餐牌上面有爸爸妈妈后生年代嘅饮品，例如蛋白杏仁茶、滚水鸡蛋、牛肉水、荷兰谷古 等等，下次再嚟试吓先！
*注意： 因为冰室喺商场入边，所以9:00就会last order ，9:30就闩门㗎啦！*
张贴
