壹茶 (已結業)

一黎就上左3楼啪左个手抓饼，价钱唔贵，但味道一般，都系太安楼同龙门居𠮶间好食。然后对面见到呢间壹茶，平日关系，客人唔多，只系等左几分钟就搞掂。饮品选择都几多，而且都称得上平，定价$14-24， 有奶茶、水果茶、蛋糕奶茶、红茶、沙冰茶、芝士等系列，可加 $3-4 配珍珠/红豆/oero/寒天/蛋糕/芝士。芝士四季春 $17呢度嘅芝士系列只需 $16-19，拣左四季春，芝士层睇落就厚，但质地稀身，芝士味亦都唔明显。茶味有但唔会好浓，质素符合价钱。皇家珍珠奶茶 $16虽然都重奶味，但至少饮到有茶，甜度亦适中，珍珠普普通通，尚算烟韧。整体质素普通，始终葵广选择多，我下次都系会试其他款式，甚至试其他茶饮店。