豚本家 (已結業)

听人介绍有间吉列厚切猪排饭🐖定食好平，一于跟同事去试吓。手机落单有得自订特别选项，都几贴心。炸猪扒饭卖相相当不错，有茶碗蒸面豉汤🥣沙律前菜，讲返主角炸粉有啲厚，反而猪扒比较薄身，咬几啖先至有啲肉食吓，如果可以改善下就好。另外其他配菜一般，但系埋单$58优惠价钱食到咁丰富嘅午餐，相对性价比算好好👍🏻☺️，但系下次可能唔再嚟叫猪扒饭。地点:荃湾富华中心商场系一间唔起眼嘅商场，估唔到原来佢都有餐厅喺上边，行一层楼梯就见到餐厅。环境:地方阔落装修企理，私隐度高，枱面够阔，但系通风比较差，闻到一浸浸嘅油烟味。价钱:原来做紧优惠，先至$58食到，平时要$98，可以考虑正价嘅时候先至再嚟试吓，可能正常返😂。服务:QR code手机落单，出counter俾钱，手机app UI可以改善下，定食套餐同埋单点原来要分开拣。