鍋匠中日火鍋專門店 (已結業)

皮婚记念原本应该食好啲，但今年刚好多左位新成员，好难得先可以暂时放低佢俾婆婆凑，所以两公婆只能够揾一个地方，用最短时间食最多嘢，享受难得嘅自由，放肆返一晚! 叫左个少辣鸡煲，几惹味。火锅配料都算多选择，个人特别钟意蟹柳。牛冇加钱，食最普通𠮶啲，不过不失啦。海鲜有青口有蚬鱼虾，选择不多。最失望系饮品冇乜选择!最钟意嘅系雪糕，朱古力雪米糍内有朱古力酱，食左半打以上!埋单两个人300几，正常价位，食得超饱，如果多啲选择更perfect。整体合格以上。