勇記海南雞 (隆基大樓)

营业中

休息中

而家喺香港周围都好容易食到海南鸡饭, 但有水准又性价比高嘅数来数去唔太多。呢间泰式海南鸡饭算系我比较喜欢嘅一间。呢到整嘅鸡做到皮爽脆，肉够滑嫩，鸡肉亦浸得相当入味，有水准。性价比亦相当高。 海南鸡饭配椰子鸡汤／热饮 卖$55 ｡ 对一个好食嘅海南鸡饭嚟讲， 算系相当抵食。 话明海南鸡饭,除咗鸡外, 当然会有饭，汤，点鸡食嘅酱汁。 呢度嘅油饭做到口感软硬适中，粒粒分明，有鸡油香但唔会太肥食到成口油, 味道亦够。汤系椰子鸡汤，劲香椰子味, 非常清甜好饮。 但呢碗椰子鸡汤, 饮唔饮到要睇缘份，因为每日供应有限。至于酱汁系泰式酸辣汁, 味道酸甜辣齐晒。呢度有个海南鸡椰香喇沙 ，我试过觉得都唔错, 但当然唔可以跟专门正宗食喇沙嘅店相比, 不过唔想食饭, 想转吓口味, 可以试吓。