北方餃子源 (榮華商業大廈) (已結業)

系鹅颈桥后有一间装修得古色古香嘅饺子店，连蔡澜都有推荐，而且无喊，一定有水准保证。橙黄色嘅灯光，加埋木枱木椅，有著中国味道。简单嘅餐牌，水饺、煎饺、前菜、上海面同饭。京式酱蹄一小碟约六件$44都几贵。酱蹄肉质较实，猪皮同肉之间位置夹集了好多骨胶原，口感十足。酱汁提升左味道，可惜俾得少左d。天气热，食炸酱冷面最适合不过。面条质素中矩中规，未至于过腍或易断。炸酱份量几多，肉碎足，切得幼细，唔会一大旧肉，夹杂了洋葱同豆腐干粒。炸酱并不辣，有少少芝麻酱味，甜甜地，拌著青瓜丝食，够清爽。最后系饺子，蒸饺同煎饺各叫一份试味。个人应为馅较清的用蒸的更可带出鲜味，相反，味道浓嘅馅用煎就更香口惹味了！蒸饺要左鲜肉韮菜饺，个皮够薄，馅都大，韮菜同肉比例刚好，咬落爽口。煎饺试左重口味嘅京葱羊肉饺。唔似煎饺，似平时d炸云吞，成个饺子都煎至脆口，唔会净系煎个底。煎饺一咬肉汁就流出，有点意外，本来以为会干身。羊肉味劲重，钟意羊肉嘅朋友一定会爱上。