福元湯圓

营业中

休息中

炮台山同天后附近真系无乜糖水舖，福元汤圆虽然本身都有实力，但真系附近真系好似无乜对手啦。星期六夜晚同朋友打完边炉，过黎食个糖水。十一点左右，都有大概6-8人等紧位，大约等左5分钟就入得，岩timing 吧。我叫了个桑寄生莲子蛋茶加汤丸，连埋只蛋，碗野有四粒野，好澎湃！桑寄生莲子蛋茶以前系俾人安胎饮，朋友笑我系咪要安胎，咁当然唔系只系呢个用途啦。「茶」的茶香味十足，唔会太甜。莲子都起沙，完完整整有几粒，交足货。汤丸相当大粒，咬开之后，温热的d 麻蓉慢慢咁流出来，唔太稀唔太杰。芝麻味很浓郁，胜在个皮唔算太厚，食完火锅饱左9成，食埋汤丸都仲得。