餃掂手工餃子雲吞專門店

饺子一向系我嘅至爱，今日黎到未试过嘅饺掂食番餐先。首先煎饺要咗软心芝士、新出嘅香菇鸡肉。煎饺外表焦焦脆脆，热辣辣，香软芝士入面系粟米同猪肉，芝士味非常浓郁。香菇鸡肉嘅馅料非常扎实，香菇提升咗鸡肉嘅香味。汤饺方面点咗云耳椰菜猪肉同粟米猪肉，汤系餐厅大推嘅九鼎状元汤，饮得到淡淡嘅药材味，每粒汤饺都胀卜卜咁，有满满嘅猪肉馅。隔离仲有自家制嘅菜甫辣椒酱同四川辣椒酱，一定要用黎点汤饺试试~重庆鲜肉云吞，系熟悉嘅麻辣味，小云吞皮薄足料，一口一个好爽。四川凉皮，凉皮爽滑，有花生碎同青瓜丝，最啱夏天食。最后仲叫咗山楂雪梨水， 好中意佢嘅酸度，好开胃。