一條腸粉 (已結業)

而家潮流兴食皱皮肠粉，咁啱畀我揾到旺角有间专门食潮式嘅肠粉，店名好特别叫“一条粉肠粉”中间个粉字打了交叉变成一条肠粉店内有一幅墙写满肠粉嘅发源地，原来在罗定，而抽屉肠粉就在潮汕 ，香港就通常食布拉肠粉的，而在店内都可以长智识。同朋友每人一碟潮式肠粉唔使争，潮式肠粉可以自己选择配料，我点了鲜虾猪润鸡蛋玉米。肠粉真的很幼滑，食落啖啖香浓米香味，猪润腍虾爽加埋蛋一起食好夹。另一碟潮式肠粉就配蚝仔虾米鸡蛋生菜，蚝仔新鲜有蚝味加埋虾米好香浓，带出肠粉既鲜味。海丰扁实汤，好特别第一次食有啲像水饺，粒粒皮薄均匀肉汁丰富。牙签鸡，一支一啖鸡肉啱啱好香脆够松化。手打牛肉饼汤，喜欢吃手打牛肉因为够弹牙有嚼劲，牛肉味香浓。手打马鲛鱼丸，马鲛鱼肉肉质好爽，煎香后有咸香口感一流。食潮州嘢点少得食潮州粉果， 蒸完个粉果 外皮好像水晶一样晶莹剔透烟烟靭靭，包住胀卜卜嘅馅料非常好吃。汕尾菜包，粉卷皮幼滑又软绵。烧卖大粒包著虾胶同虾仁够新鲜爽脆。