盈福28 (已結業)

之前见到盈福28晌铜锣湾开业时已经好想去试，最近佢哋晌马鞍山开分店，对于新界人嚟讲就方便啲啲。门口仲放咗几个祝贺新张嘅花篮。佢哋系以新派中菜做主打，装修都好摩登，比平时啲中菜馆多添几分活力。虽然走新派路线，但同好多中菜馆一样都几要俾茶位。佢哋提供嘅系玄米茶，入口甘香。从店舖用色到餐具，都系同一个色调。翻开餐牌，最最最吸引我嘅应该系呢啲可爱造型嘅点心系列。除咗点心，仲有其他小菜同甜品等等，款式同样系比较新派风格。先试几款精致嘅凉拌小菜，包菜鸭卷，用椰菜包住切条鸭肉、鸡髀菇、甘笋同青瓜，再淋上酸香嘅酱汁，味道有啲似平时同烧鸭一齐食𠮶种酸梅酱，加埋紫椰菜丝，口感爽口而清新。雷椒茄子，用咗辣椒、青辣椒、蒜头等等调味，味道香辣可口。丘比皮蛋豆腐，顾名思义特制酱汁系用丘比出品嘅沙律汁调配，食起嚟带点芝麻香。每片豆腐切得薄而平均，尽显厨师刀功，入口滑溜，配上皮蛋粒、香葱等等，几惹味。然后就试呢只玉桂香鸽，size比沙田驰名老店偏少，不过每只只卖三十几元左右，价钱算比较平。啱啱拎到嚟时已飘来阵阵香气，乳鸽皮炸得脆口，肉嫩唔过肥，肉汁多而咸香，表现唔逊于驰名店。当然唔少得我最期待嘅点心，好唔容易先晌众多