我想和你無所事事 (沙田中心) (已結業)

平时都好少饮呢啲台式茶饮，因为本身唔钟意饮冻同甜嘢。直到之前经过闻到呢间野炸紧盐酥鸡超级香喷喷，即刻买咗啲嚟试。初初冇乜特别期望，但佢个髯须鸡嘅味道真系超级惊喜，鸡肉好滑嫩口，所以间唔中都会买零食顺便配杯嘢饮。饮过几杯嘢饮，后尾又同啲朋友仔一齐打牌一人一杯，几次感觉都唔错，系正常嘅台式饮品味道，唔算有惊喜但贪佢款式够多，可以每次试一杯。今日终于等到冬天可以饮热饮啦，我就拣咗一杯鲜奶乌龙贪佢可以无糖同埋走珍珠，清清地又冇咁腻。始终最钟情都系佢个小食，可以话系为咗食鸡先买嘢饮。今日仲食到好饱下次先买返嚟食，买杯野饮算。但都抵嘅，因为佢储印仔每买四杯可以送一杯，间间分店都用得。