影片
更多
2011-10-19
3705 浏览
家中多位长辈访港，亲友特订只招待会员o既中华总商会设宴聚旧，ＸＯ有幸地以晚辈o既身份一同参与。中华总商会会员俱乐部原来有好几层。虽然感觉旧式左少少，不过会所好有系统地喺大堂升降机旁个牌上写上边位会员喺边层订左位，方便宾客对名揿「车立」。俱乐部装修非常得体，一Ｄ都唔俗气；地方整洁阔落，光线充足，冷气又够，非常舒适。侍应们年纪全部比我大，但每一个都好细心有礼。唔知系咪依度Ｄ会员好钟意饮酒o既呢，佢地斟酒速度比出面其他食肆有效率，客人o既酒杯永远唔会吉，而且唔需要出动主人家亲自加酒比客人。当晚大部份食物都分好哂，食完每一碟都会有机会添，换碟自动波，不时重有湿毛巾侍候，食到好似大爷咁，根本上冇乜机会可以污糟。 腿片竹笙炖鲍翅：睇相都知道鲍翅份量十足，主人家真系客气。汤底火候够，清得黎味道香浓，竹苼爽口，冇得弹呀！ 双冬扣山瑞：ＸＯ咁大个仔都系第一次食山瑞，质感好腍滑，味道好似用鲍汁煮咁，好啱我口味。听长辈们讲，山瑞好补，而且当晚见佢地劲赞个山瑞做得好好，胶得黎唔会浆住个口，所以小弟食得更加放肆！不过食完先知道原来山瑞系龟o既亲戚。 芥胆柚皮扣鹅掌：鹅掌腍滑，柚皮唔苦，两样都咁入味。 潮州冻蟹：
中华总商会会员俱乐部原来有好几层。虽然感觉旧式左少少，不过会所好有系统地喺大堂升降机旁个牌上写上边位会员喺边层订左位，方便宾客对名揿「车立」。俱乐部装修非常得体，一Ｄ都唔俗气；地方整洁阔落，光线充足，冷气又够，非常舒适。
侍应们年纪全部比我大，但每一个都好细心有礼。唔知系咪依度Ｄ会员好钟意饮酒o既呢，佢地斟酒速度比出面其他食肆有效率，客人o既酒杯永远唔会吉，而且唔需要出动主人家亲自加酒比客人。当晚大部份食物都分好哂，食完每一碟都会有机会添，换碟自动波，不时重有湿毛巾侍候，食到好似大爷咁，根本上冇乜机会可以污糟。
腿片竹笙炖鲍翅：睇相都知道鲍翅份量十足，主人家真系客气。汤底火候够，清得黎味道香浓，竹苼爽口，冇得弹呀！
双冬扣山瑞：ＸＯ咁大个仔都系第一次食山瑞，质感好腍滑，味道好似用鲍汁煮咁，好啱我口味。听长辈们讲，山瑞好补，而且当晚见佢地劲赞个山瑞做得好好，胶得黎唔会浆住个口，所以小弟食得更加放肆！不过食完先知道原来山瑞系龟o既亲戚。
芥胆柚皮扣鹅掌：鹅掌腍滑，柚皮唔苦，两样都咁入味。
潮州冻蟹：虽然XO唔食蟹，不过都收集倒精简o既评语：「蟹肉鲜嫩，味道清甜；同出面潮州菜馆比，可以话有过之而无不及。」
炆大芥菜煲：对蔬菜认识唔够深，唔系好识评，不过食后感想系好腍，同唔算苦。
古法盐焗鸡连什：只食鸡胸肉o既小肥可以证实鸡肉一Ｄ都唔干唔嚡，而且好有鸡味！最正系个香脆o既鸡皮，被妈咪嫌弃𠮶Ｄ，我同爸爸都当系宝咁帮佢清哂！食鸡连什，ＸＯ第一个去食冇乜人掂o既肠，爽口又入味，简直系极品！
鲜荷叶饭：由于ＸＯ太出力食山瑞，所以单尾只可以选择食面而放弃荷叶饭。不过同桌爱吃饭o既姨妈极度赞赏地话荷叶香味渗透入饭，饭粒够干身，材料好新鲜！（就喺依个时候，大厨突然出现，大家都不禁拍手，赞许当晚出色o既𩠌菜。）
鲍汁姜葱捞粗面：其他𩠌菜实在太溜，所以依款冇乜料o既单尾真系好合适。姜葱香口，鲍汁索左入面𠮶度，客人可以喺少料o既情况下张注意力放喺半干身而又弹牙o既面条上。另外，粗面捞左鲍汁都唔会一pat pat，好手势！
香滑煎堆仔：外表可能冇烟，但系大家一定要小心辣亲条脷呀！第一层外皮松脆，第二层面粉够烟韧，最中间𠮶层芝麻够流心，味道质感可以话系𩠌如其名，香甜滑溜！不过最值得夸奖o既系个煎堆可以做到咁干身，唔油腻；冇夸张架，唔需要借助吸油纸，碟上都绝无油积！
唔洗小肥出钱，就可以食倒咁名贵而又少机会接触到o既食物，真系感激爱锡ＸＯ仔o既亲友们！
张贴
