Gwee Coffee & More

营业中

休息中

唔知你地之前有无见过一杯以沙滩为主题嘅咖啡呢，我就系果个时候留意到呢间系半山嘅小店，佢地间唔中就会推出seasonal drinks，今次呢杯就系Halloween限定，仲有一款奶盖红桑子梳打，用蒟蒻整左个脑袋topping，好有创意。如果大家细心睇张相会喺镜中见到一排眼镜，佢地系眼镜铺内嘅coffee bar，位置唔多，早几日lunch time去差啲要去铺外立饮，相信避开繁忙时间会舒服啲。店主一脚踢相当忙碌，但都好留意客人嘅一举一动，会建议饮法同问客人意见，非常难得。 ☕️Cream Mocha卖相无可挑剔，好有层次。杯边嘅dripping系Valrhona 70%黑朱古力，味道醇香，唔只用黎装饰。Mocha朱古力同咖啡味平衡，上面有一层用明治奶打成嘅cream，搅匀饮味道温和，甜度适中。最顶层上嘅小鬼系蛋白饼，店主话饮到一半可浸落咖啡度，蛋白饼本身好甜，吸左咖啡后较易入口，会似棉花糖嘅质感好得意。P.S. 留意返Halloween special只供应约一个月，想试嘅要快啲去啦。