616牛肉火鍋專門店 (U PLACE) (已結業)

打边炉，最重要除咗系个锅底之外，牛肉都系相当之重要！616嘅牛肉出晒名多种类，而且一碟嘅价钱性价比极之高，今晚一于食返餐。锅底方面，都有好多种嘅选择，特别欣赏佢个牛骨汤，里面已经满在牛骨肉，汤底非常之清甜。近期，餐厅仲推出咗一系列信州和牛，试完佢个后腿肉真系齿颊留香，肉质好嫩，肥瘦平均。另外滑龙尾亦都系坊间好少见嘅，先把生蛋同牛肉搅拌再放落汤底，食落厚身有咬口之余，仲好滑溜。除此之外，亦都叫咗一份虾滑，价钱只系$58 ，但系咬落去粒粒虾肉，10分爽弹，而且仲有蟹籽铺面！之后仲嗌咗娃娃菜、油麦菜、粟米🌽同稻庭乌冬，食得非常之满足