616牛肉火鍋專門店 (U PLACE)

营业中

休息中

「位於市中心的'火鍋天堂'是我最近發現的一家非常棒的火鍋餐廳。走進餐廳,首先看到的是寬敞明亮的用餐空間,配以溫暖柔和的燈光,營造出舒適愜意的氛圍。餐廳提供多種特色鍋底,從經典的紅油鍋到養生的清湯鍋,應有盡有。我點的是招牌的麻辣鍋,湯底濃郁香辣,入口即化的肉片與新鮮的蔬菜完美融合,每一口都令人欲罷不能。同行的朋友選擇了番茄鍋,酸甜可口的湯頭極大地提升了整體口感。除了鍋物,餐廳的配料選擇也非常豐富。從上等的牛肉、羊肉到新鮮的海鮮應有盡有,讓人難以抉擇。我特別推薦他們的手工丸子,口感Q彈,裹上麻辣醬汁後更是令人垂涎三尺。最後要提到的是餐廳的服務質量。服務員親切有禮,對菜品瞭若指掌,能為客人提供專業周到的建議。另外,用餐期間他們也會適時為我們添加湯料,令整個就餐過程非常愉快。總的來說,'火鍋天堂'無疑是一家值得一試的優質火鍋餐廳。它完美地結合了美味的菜品、舒適的用餐環境和周到的服務,定能為食客帶來難忘的用餐體驗。強烈推薦給所有喜愛火鍋的朋友。」

牛雜鍋湯底：係有牛雜，但條粉腸都幾多油膏黐住，淨係滾湯底，都已經有一層泡沫滑尾龍：筋多過肉，最後食都一嚿冇筋嘅，同滑牛飯啲牛差唔多，唔識欣賞胸口膀：介乎爽同靭中間，好似直接咬緊筋咁，咬唔爛最後照吞，食到油味橫隔肌：軟，好味牛肩脊（？）：軟，好味， 有少筋，但只少食到肉，肥膏佔4成左右啦和牛：肥，雖然都預咗墨魚滑：正常魚皮餃：居然都有筋？結論：去食最平價位嘅火鍋任食都冇咁嬲

呢一間牛肉火鍋專門店，價錢方面就偏貴.我同朋友嗌封門柳,牛側胸,牛頸脊,牛丸.再加埋啲嘢飲同埋麵食,兩個人大概六百零蚊就落到樓.首先講下封門柳先,封門柳大概落去煮10秒左右就食得,口感煙韌 q 彈. 而其他牛側胸,牛頸脊,入口時煙韌.每一類牛肉都非常之有牛味,我最鍾意食嘅就係佢哋個牛丸,彈牙得尼,非常之有牛嘅香味,咬落去嘅時候仲會爆汁.非常過癮.總括嚟講如果淨係食牛嘅話就係非常之好食,但其他麵食同埋小食就一般般喇.

616牛肉火鍋專門店相信都唔使多介紹，佢係一間肉食愛好者必去嘅餐廳。佢嘅招牌係佢多樣化嘅牛肉部位選擇，每一款都有獨特嘅口感同風味，絕對能滿足你對牛肉嘅渴望。攞座位之後，服務員會即刻送上新鮮嘅牛肉，俾你自由搭配。佢哋嘅牛肉部位真係多到令人眼花繚亂，有匙柄、牛腩、牛舌、牛肚、牛五花等等，每一款都有佢獨特嘅風味同口感。我個人好鍾意牛腩，啲肉質鮮嫩多汁，入口即化，真係令人回味無窮。除咗牛肉，佢哋嘅湯底亦都好出色。湯底濃郁鮮美，喝一口就令你立刻感受到牛肉嘅香味同滋味。如果你鍾意辣味，可以試下佢哋嘅辣湯底，辣味十足，令你嘴巴都開心起嚟。食物嘅新鮮度同質素都非常出色，服務員亦都好友善，態度好好。而且價錢亦都相對合理，物超所值。

今次嚟到616試下佢啲唔同部位嘅牛肉，首先安格斯橫隔膜，食落去好煙韌有少少筋， 之後牛肋胸， 一放落熱水就會縮埋一嚿，食落口爽爽的，鍋底有好多唔同配菜還有蛋餃子和烏冬佢每一樣食材都會教你最好烹煮時間，真係好細心唔同部位都有唔同口感，下次試下其他先 😃

打風嘅前夕，一於約埋成班朋友去打返個邊爐。如果要講性價比最高，又有最多牛肉食嘅，一定揀616鍋底鍋底嘅選擇頗多，雖然唔係嗰種湯品類型，但係佢嘅沙茶鍋底絕對係驚喜所作，沙沙的質地特別濃郁，令一邊嘅牛骨湯非常清甜，兩者嘅鴛鴦配搭十分合適～肉類信州和牛肩胛、信州和牛羽下肉都係今期嘅推介，用上竹藤作為擺設，牛肉嘅解凍做得非常之好，牛肩胛嘅肉味相對較濃，牛乳蟹肉色澤粉嫩，肥瘦相間食落軟柔，油脂較重！匙柄深紅色嘅色澤，咬落無筋，嫩嫩的口感！其他打邊爐當然唔少得有手打墨魚滑、炸魚皮同各款蔬菜做配料，手打墨魚滑真材實料，咬落爽彈，滿有墨魚嘅香氣，炸魚皮更加係encore左多一點，薄脆嘅口感浸入沙嗲湯底，絕對係滋味無窮！💡 餐廳收取每人$10的醬料費用

打邊爐，最重要除咗係個鍋底之外，牛肉都係相當之重要！616嘅牛肉出晒名多種類，而且一碟嘅價錢性價比極之高，今晚一於食返餐。鍋底方面，都有好多種嘅選擇，特別欣賞佢個牛骨湯，裏面已經滿在牛骨肉，湯底非常之清甜。近期，餐廳仲推出咗一系列信州和牛，試完佢個後腿肉真係齒頰留香，肉質好嫩，肥瘦平均。另外滑龍尾亦都係坊間好少見嘅，先把生蛋同牛肉攪拌再放落湯底，食落厚身有咬口之餘，仲好滑溜。除此之外，亦都叫咗一份蝦滑，價錢只係$58 ，但係咬落去粒粒蝦肉，10分爽彈，而且仲有蟹籽鋪面！之後仲嗌咗娃娃菜、油麥菜、粟米🌽同稻庭烏冬，食得非常之滿足

🐮今次去咗土瓜灣附近嘅一間火鍋專門店打邊爐，🥰今期佢哋主打用親民嘅價錢就可以食到日本長野縣直接運到香港嘅信州和牛，😋價錢超抵食質素又高，🤪不過留意番呢個和牛係堂食限定㗎。.🐷 信州和牛肩胛 $78 🥰睇相已經見到牛肉嘅油花超靚，😚整體感覺油香味比較重，食到牛肉脂肪嘅香味。.🐷 信州和牛赤身 $78👍🏻呢個相對食落去會俾牛肩胛清爽，🫶🏻肉味比較重。.🐷 2人火鍋套餐 $288🥳二人套餐呢個價錢嚟講幾抵食，呢個價錢已經包咗湯底、牛肉、其他蔬菜配料等等。🐮價錢雖然唔貴但係套餐牛肉嘅質素都好好，尤其是特別鍾意佢哋嘅安格斯橫隔肌。🤪套餐入面仲有炸魚皮、娃娃菜、蜂巢豆腐、烏冬等等嘅配料，🤟🏻食完超滿足一啲都唔驚唔夠飽。.📍 616牛肉火鍋專門店 (UPLACE) (土瓜灣)土瓜灣九龍城道68號瑧尚UPLACE1樓103號舖.

616開左好多分店 食過都知佢地嘅賣點係可以食到好多唔同產地嘅刁鑽牛部位🐮 今日就同朋友去咗土瓜灣呢間分店打邊爐🍲 環境都幾闊落 有醬料自助區同埋係用電磁爐嘅 夜晚6-8:30 入座都有9折～湯底我地就揀左牛骨清湯 $62 湯底入面有好多牛骨 白蘿蔔 芹菜 同埋牛肉粒 份量都幾多仲要煲左好耐都唔韌 味道清甜仲食到牛嘅鮮味😋配料方面我地主攻牛肉 嗌左個期間限定嘅信州和牛肩胛 $78 試下 日本長野縣用蘋果飼養嘅牛 所以比較肥美鮮甜 油花細緻而肉質嫩滑 必試! ☺️牛駝峰 $48 係牛頸背後嘅肉 牛味香濃 另外都嗌左熟成加拿大牛肩脊 $58 同牛朴肉 $48 手打蝦滑 $50食落好彈牙!我地亦都嗌左啲配菜 油菜＄28 娃娃菜$28 白蘿蔔 $28 手打烏冬 $18好彈牙呢個一定要嗌🤗

今次去咗土瓜灣打邊爐，當中有不同部位嘅靚牛肉，仲有日本長野縣直接運到香港嘅信州和牛，包括有牛赤身、牛肩胛、牛腹肉等和牛，而且價錢十分抵食鴛鴦沙牛湯底$82牛骨清湯味道清甜，湯底有牛腩，食落有嚼口，另外沙嗲湯味道香濃惹味信州和牛肩胛$78油花滿佈，食落充滿油脂香，入口即溶牛朴肉$48脂肪比例平均，食落有咬口肩胛翼板$48肉質結實，牛肉味濃郁，食落有嚼勁花雕醉牛$48每啖牛肉都食到花雕酒香味，而且肉質十分嫩滑炸魚皮$28口感香脆，沾上沙嗲湯味道更香口豆腐$28豆腐入口幼滑，食落有豆香味，唔會太鬆散竹笙$48質感爽脆，索湯一流萵筍$28娃娃菜$28萵筍同娃娃菜味道清爽，可以解油膩公仔麵$12同沙嗲湯味道好夾，吸哂湯底精華，食落濃厚爽彈

最近黎土瓜灣e邊探朋友，發現616係e邊開左新分店，緊係要過嚟試下喇☺️餐廳位於型格商場入面🤩餐廳裝修都幾新派同座位都闊落☺️我地要左個牛雜湯底，湯底入面有牛雜，食落都幾入味👍🏻餐廳都提供唔少火鍋配料可以選擇😆當中有信州和牛系列最為吸引，e個價錢食到和牛肩胛好抵🥰牛味濃☺️我地另外點左唔少嘅地道本地野，滑尾龍，封門柳都幾有特色😆當中唔少得丸類同滑類喇😍當中墨魚滑勁彈牙😋店家仲有手打烏冬，烏冬口感QQ🥰配埋熱湯🤩好入味蔬菜🥬方面，我地叫左響鈴，粟米，竹笙👍🏻夠新鮮❤️

呢間616牛肉火鍋專門店，之前食過手切牛肉幾好食，今日就帶埋屋企人去食返餐先🤤入座後就用QR code落單非常方便，餐牌主要以新鮮牛肉為主，仲有日本長野縣信洲和牛👍蟲草花冬瓜牛肉鍋這個湯底好適合夏天飲，消暑又滋飬，未打邊爐之前每人飲咗一大碗。澳洲和牛-牛頸脊色澤好靚好新鮮，牛肉味濃郁。信州和牛肩胛牛駝峰肉質鮮嫩、細嫩且富有彈性，是一種高品質的牛肉。這種肉質柔軟、多汁，口感非常好，有一定的肉香味👍封門柳口感更是鮮嫩多汁。、手打墨魚滑好新鮮爽口彈牙口感都很不錯。水蓮菜是比較清爽的蔬菜，適合在火鍋中搭配其他食材食用。蛋餃皮薄餡靚口感鮮美，味道清香。竹笙好爽口吸入湯底一齊食味道一流。

屋企人想食牛肉火鍋，即刻諗到去《616 牛肉火鍋專門店》因為連土瓜灣都有分店，完全就哂老人家屋企👍🏻！地方闊落又坐得舒服，QR code 落單 夠哂方便🥰！泰酸化骨爪～口感清爽、非常適合用來作餐前小吃！蟲草花冬瓜牛肉鍋～呢個牛骨湯👍🏻湯底清甜，完全喺平日食嘅清湯腩嘅味道，加入埋蟲草花和杞子等等配料，味道越煲越惹味，冬瓜亦超入味，特別好食😋！黑豚梅花肉～一碟有六片，肉質含有豐富的不飽和脂肪酸，所以比較有咬口之餘，脂肪比例亦唔高，所以一D都唔肥膩！黑豚霜降肉～在豬肉中最優質的部位之一，口感比較爽口，帶有濃郁的豬肉香氣😋！餐廳主打的日本信州和牛系列，呢碟牛肩胛～含有一定的脂肪和膠原蛋白，食起來口感豐富濃郁，賣相都好靚🥰以親民價錢就食到的確不錯！而其他牛肉分別有肩胛翼板、牛駝峰、滑尾龍、澳洲五花趾、熟成加拿大牛肩脊、全部脂肪比例恰到好處，食起來既有口感，又不會太膩口😋！蛋餃蛋皮好薄有蛋香味，配小小醋一齊食非常開胃！水蓮菜～淥一淥就食得，香脆口感相當好👍🏻！

火鍋店 位置寬敞 舒適， 員工 服務 態度友善良好， 還有 提供 很多不同部位的牛肉 可供選擇 ，火鍋湯底 有很多款式 ，湯底還有很多牛肉及其他配料 ， 鮮甜美味 ，而 牛肉片就很鮮甜， 最好就是優惠時段有8折 很開心。

呢間火鍋店都有唔少分店，今次就試試土瓜灣區💛環境闊落，對於着重地方好唔好坐嘅我表示滿意👏🏻當日係平日晏晝，所以唔使等位👏🏻不過我估計土瓜灣區呢間，就算假期或者平日晚上相對其他旺區的話，人流都不會太多如果唔想等位，可以考慮呢間😂呢度最出名係食唔同款嘅牛🥩對於鍾意打邊爐嘅牛魔王朋友們就一定好稱心滿意肉類嘅質素都好有保證😋肉類之外嘅其他配料就正常發揮🥟🍢🥬價錢合理，每次想打邊爐都諗起佢絕對願意再訪