茶啡檔

营业中

休息中

无啦啦全屋先后中招,今日好少少,谂住落联和墟揾下野食,同太座行行下,见呢间都未试过,口碑又好似唔差,无坏吖,好又一餐,唔好又一餐啫.装潢走美式路线,但墙上挂好多套餐相,又搅到不伦不类,香港餐厅毛病之一.午餐其实分中,西两种,每种各有四,五款选择,可以讲话几多,而且都系三十蚊起,唔算太贵,有汤有茶,学生都付担得起.简简单单的,先上两碗例汤,虽然是老黄瓜煲猪骨,但清清地,我系几钟意既.葡国鸡 : 鸡跟白饭是分开上,白饭另用椰菜伴碟,葡汁可以话系呢道菜既灵魂,既有椰汁香味,又唔太浓冽,而且带有微辣,鸡件唔太大件,食得出系一齐煮,并非求其淋d汁上去就算,再加上鸡件虽然系冰鲜货,但处理得好,食落叫嫩滑.干烧伊面 : 呢个就失色好多,虽然洋葱丝好香,但酱油太甜,而且好油,食多几啖都觉得"腻".要提一提系黑板上无写有餐汤同餐饮,我无问佢都唔出声.每个餐都系三十个大洋,上菜算快手快脚,不过中途见到位六,七十岁既老人家捧住一盆刀叉由后门出黎,好明显系就清洗工作,虽然行动缓慢,而且仲跌左d落地,但伙记都无'喝'佢,由得佢慢慢黎,真系佩服老人家自食其力,亦都欣赏其他人对佢既包容,人情味此刻尽在不言中.