影片
更多
2023-05-01
948 浏览
平时最钟意食点心既我，揾到呢间系荃湾大鸿辉中心12楼既常满百家菜，有火锅任食之余竟然同时有点心放题，梗系要去试下啦！6点开始食，两个钟，叫左个咸菜猪肚粉肠锅。趁汤料未黎，我地出左去拎d熟食，有椒盐猪扒，炸鸡软骨，金钱肚，连串烧鸡肉都有呀！各样味道都唔错，炸鸡软骨好香脆，腌过入味，金钱肚都好味，做餐前小食正呀！另外有边有饮品柜，啤酒饮品免费任饮，当中有细支装维他奶，几特别㖞。点心真系好吸引，系真系即叫即蒸，姐姐新鲜热辣推点心车过黎，大件又好味，特别系虾饺王，真系好大只，饺皮做到剔透，入面虾除左原只有两至三只外，仲要系用鲜虾，哗不得了！就系咁，未食火锅都已经饱饱地，火锅料系正常放题款式，当中脆肉鲩都几新鲜，唔错！哈哈吃饱喝足8点埋单，呢餐都真系抵，任饮任食仲有点心，198一位加一咋，边度揾👍
平时最钟意食点心既我，揾到呢间系荃湾大鸿辉中心12楼既常满百家菜，有火锅任食之余竟然同时有点心放题，梗系要去试下啦！
6点开始食，两个钟，叫左个咸菜猪肚粉肠锅。
趁汤料未黎，我地出左去拎d熟食，有椒盐猪扒，炸鸡软骨，金钱肚，连串烧鸡肉都有呀！各样味道都唔错，炸鸡软骨好香脆，腌过入味，金钱肚都好味，做餐前小食正呀！
另外有边有饮品柜，啤酒饮品免费任饮，当中有细支装维他奶，几特别㖞。
点心真系好吸引，系真系即叫即蒸，姐姐新鲜热辣推点心车过黎，大件又好味，特别系虾饺王，真系好大只，饺皮做到剔透，入面虾除左原只有两至三只外，仲要系用鲜虾，哗不得了！
就系咁，未食火锅都已经饱饱地，火锅料系正常放题款式，当中脆肉鲩都几新鲜，唔错！
哈哈吃饱喝足8点埋单，呢餐都真系抵，任饮任食仲有点心，198一位加一咋，边度揾👍
张贴
