龍麵館 (已結業)

晏昼去完AIA 玩, 十分尽兴, 夜晚要食餐好, 黎个锦上添花。由于上一份工作系中环, 好多餐厅已经食过, 今晚要试新餐厅!o系Openrice 拉到呢间新餐厅, 见环境, 食物, 评语都唔错, 就打去book位喇!准时7点钟到达, 顺利入座。 呢间系一间中菜馆，主打中国面条为主。装修好都有风格!糖包腊肠卷呢个点心既卖相超吸引, 同朋友一见到就异口同声话要点呢个!虽然佢睇落好甜美, 但其实入面个馅系腊肠黎架，好邪恶呀!腊像好香口，唔会太硬，连埋包一齐食几夹，无咁腻! 可以一试!招牌龙肉捞面既然呢度叫得龙面馆，龙肉捞面都应该系招牌菜之一，梗系要试啦。龙虾色泽鲜艳，肉质非常肥美爽口，非常新鲜。面既软硬度刚刚好，有弹性，因为加左芝麻既关系，食过非常香口，果然系招牌菜不能失礼。Tiramisu见到隔离台点左呢个，好精致，我地都忍唔住点一份，真系好似一盆真既植物呀!泥土既部份系Tiramisu, 咖啡味几浓, 蛋糕部分做得好细滑。至于上面既叶子, 系可食用蔬菜同烘过的雪耳,呢个雪耳的口感都几得意,脆卜卜。其实好想试即烧片皮鸭，见成晚都好多人点，可惜我地得2个人，唯有下次要叫多D 朋友先试啦。