彩aya

营业中

休息中

自从北角俺之沾面冇左之后，一直都未揾到一间深得我心嘅沾面小店，经日本朋友介绍，黎到系元朗发迹嘅彩aya西环店🎏位置有少少难揾系个巷仔最入面。真心环境不算十分舒服，但带有一种去左日本小店之感觉。好多人话有渠味，我真心唔觉😆😂佢地面系自家制！仲会不定期系面到加入不同口味，今次我哋主要食胡椒味嘅面同原味。轮到汤底啦我哋决定食晒三款：黑蒜、猪骨、虾汤😋真心深得我心，无论面质同埋汤底都一流！自家制面嘅好处就系非常弹牙，我食胡椒味𠮶款都觉得好得意，而汤底入边我最钟意黑蒜同埋猪骨，好浓郁😍👍🏻虽然环境真系麻麻哋，不过对于我来讲，为咗寻访美食，大排档同街市熟食市场我都坐过，呢一间真系唔算系啲乜嘢，而且的确有几分去咗日本小店嘅感觉😎评分✴️(五分满分）环境:✴️✴️✴️食物:✴️✴️✴️✴️性价比:✴️✴️✴️✴️回头率:✴️✴️✴️✴️✴️