合興車仔麵

营业中

休息中

呢间合兴车仔面已经食咗好多年，水准仍然keep到，仲系咁多人排队。次次食亲猪红同猪肠，系必叫！另外再加咗瑞士鸡翼，今次老板送咗萝卜俾我加𩠌。呢度嘅猪红，口感唔同平时𠮶啲咁碎，食落去淡淡汤汁，好入味。猪肠又系卤水得好入味，同埋好大份，三个𩠌劲抵食。瑞士鸡翼就正常发挥，萝卜都入味嘅。呢度辣鱿鱼都出名，可以自己加辣，不过真系好辣，建议分开另上。去食嘅话要早啲，出面会有Mark低每日边啲𩠌已经卖晒，牛𦟌就成日都唔见有，有时卖晒啲𩠌就四五点已经闩门。