食包 (已結業)

黑松露炒蛋烟肉芝士汉堡（36蚊）：个包淋既，然后块烟肉得个包既一半大小，一啖已食哂。啲蛋无黑松露味同蛋味，衰过食M记！炸鸡扒（22蚊）：食完个包咁难食，谂住食个炸鸡扒应该无死啦，点知又出事！块鸡扒可以炸到皮肉分离，啲皮有阵㶶味，明显翻炸过唔知几多次。然后啲肉又有阵雪味，真系搞唔掂！环境：一般有少少位既小食店咁啰，有痴几张偶像海报喺度呃下人入嚟。服务：一男一女好似未训醒咁，讲野阴声细气好似就断气，煮好野食叫都唔叫声你，多谢都无声。结论：与其洗钱买打手写食评，不如改善下啲食物质素先，唔好喺度影衰饮食业！