Chilli Lime (MONTEREY Place)

营业中

休息中

店员热情招待，店舖气氛好好，适合朋友情侣聚会，钟意小酌两杯嘅人们，食完饭仲可以行吓附近嘅海旁，同埋Donki之后可以再去行下~食物质素唔错，份量十足，价钱相宜，店员虽然以外国人为主，但基本英语沟通可以了。不得不提，佢哋嘅招牌菜，泰式蟹肉炒饭入边嘅蟹肉份量多，食落去啖啖蟹肉，炒饭粒粒分明，加埋洋葱嘅清甜爽脆，食落口感唔错泰式炒椰菜苗都好有特色，食落去比较爽口，份量依旧好多味道都唔错，啱晒钟意食菜嘅我哋！又唔会好浓味，抢晒椰菜苗本身嘅味道！清爽得来带啲泰式嘅风味！红咖喱槟榔叶烧牛肉味道都唔错，加埋酥油烤饼一齐食风味更佳！烧牛肉嘅份量都好多，味道都唔错！泰式炸虾饼，呢个炸得好香脆，份量好似拳头咁大，加埋酸甜嘅泰国酱汁一齐食，十分好食🤤芒果糯米饭真系冇得顶绝对不是试食！