漁市場 (已結業)

养左狗之后，去亲边都想带住佢，又唔想下下踎茶餐厅，或者系食物冇水准的狗cafe...所以露天餐厅成为唯一选择！！！之前车朋友返屋企经过傲云，见到哩间日本餐厅已好吸引，装修好新，竟然在店外仲有露天台，而且干净企理...上星期五不断谂带住爱犬可以同老公去边食生日前夕饭，突然醒起哩间渔市场喇！但求有干净优雅的露天餐厅，真系冇谂过质素比想像好！尤其系三文鱼腩，真系有好鲜好鲜的鱼味，0系出面日式餐厅愈开愈多的情况下，简直系久违了三文鱼原有的真正味道！剑鱼腩亦好好味！仲有老公劲推介的蟹糕甜虾寿司，0系出面真系食唔到！整体而言，鱼生质素高！不过熟食就需要改善下，种类唔好多，叫左一客天妇罗，太细碟，而且d虾劲细只，所以熟食改善埋就perfect！环境好好，同埋好干净，位置上左石级，落雨亦唔会湿！车直头可以泊0系门口！极方便！老细以至侍应都好好礼貌，值得一赞！仲有付款方式得现金同eps唔系几好，价钱算中上，应该俾客人碌卡好d