影片
更多
2013-11-15
4420 浏览
生日饭有人请，一于食好啲！试一试米芝莲食府-天龙轩。订咗7:30pm, 餐厅响ICC 102 楼，由九龙站经Ritz Carlton 到天龙轩都算易揾。为咗有好啲 view, 订位时最紧要话要窗口位。但因为天龙轩响ICC对西九龙果边，个view主要系西九龙青衣同少少青马景，如果要睇维港景，可能就会有少少失望啦！言归正传，睇睇有乜食先！小食点咗砵酒软壳蟹，软壳蟹系炸嘅，一只蟹切开大约六、七件，香脆，再加砵酒造嘅汁，味道都几好！要食主菜啦！两个人一共点咗三个主菜，本来仲点咗个炒饭，但因为天龙轩嘅份量充足，实在食唔落，唯有取消咗，下次再试啦！第一个主菜系天龙轩必食嘅蜜烧西班牙黑豚肉叉烧，松软，烧到啱啱好，又唔太浓味，好食！可能系用黑豚肉嘅关系，呢个叉烧同其它出名餐厅嘅叉烧有啲唔同，冇咁㶶，味道淡少少，食好大啖都唔觉腻，想试吓唔同嘅叉烧，不防试试。跟住就点咗樱花虾油泡斑球，系餐厅即场推介。石斑好足料，啲肉好实在，完全冇腥味，连我一向唔食鱼嘅都可以接受！再加上一杯美味嘅白酒，😋。但系樱花虾就冇乜特别，作为配菜尚算可以。食咗咁多肉，要食番啲蔬菜啦。点咗松露翡翠竹笙卷。唔似其它餐厅净系得松露碎，真系
订咗7:30pm, 餐厅响ICC 102 楼，由九龙站经Ritz Carlton 到天龙轩都算易揾。为咗有好啲 view, 订位时最紧要话要窗口位。但因为天龙轩响ICC对西九龙果边，个view主要系西九龙青衣同少少青马景，如果要睇维港景，可能就会有少少失望啦！
言归正传，睇睇有乜食先！小食点咗砵酒软壳蟹，软壳蟹系炸嘅，一只蟹切开大约六、七件，香脆，再加砵酒造嘅汁，味道都几好！
要食主菜啦！两个人一共点咗三个主菜，本来仲点咗个炒饭，但因为天龙轩嘅份量充足，实在食唔落，唯有取消咗，下次再试啦！
第一个主菜系天龙轩必食嘅蜜烧西班牙黑豚肉叉烧，松软，烧到啱啱好，又唔太浓味，好食！可能系用黑豚肉嘅关系，呢个叉烧同其它出名餐厅嘅叉烧有啲唔同，冇咁㶶，味道淡少少，食好大啖都唔觉腻，想试吓唔同嘅叉烧，不防试试。
跟住就点咗樱花虾油泡斑球，系餐厅即场推介。石斑好足料，啲肉好实在，完全冇腥味，连我一向唔食鱼嘅都可以接受！再加上一杯美味嘅白酒，😋。但系樱花虾就冇乜特别，作为配菜尚算可以。
食咗咁多肉，要食番啲蔬菜啦。点咗松露翡翠竹笙卷。唔似其它餐厅净系得松露碎，真系有一片片黑松露响生竹笙卷上面！好浓嘅松露味，喜欢松露嘅朋友可以一试。
本来食完主菜都已经饱到上心口啦，但唔食甜品又点满足呢！结果点咗一客冰冻嘅芦荟香芒杨枝甘露，清淡又唔太甜，最啱食完大餐后换一换好感。埋单时间，有少少惊喜（唔系唔洗钱，我都想！），餐厅送上桂花榚同笑口枣，睇落好好味！唯有冒住曝肚嘅危险，将佢地食淸！笑口枣好好味，但桂花榚就一般！
总括嚟讲，天龙轩嘅出品唔错，相对系贵咗啲，但味道同服务都唔错，可以一试！
张贴
