影片
更多
2018-08-03
508 浏览
又同朋友去开餐，今晚去咗呢间专食东欧菜嘅餐厅。地点稍为偏僻，上完德己立街条斜路右转云咸街一直向前行一阵先到。呢间餐厅或者因前排俄国世界杯所以hit过吓，而家先食只能话有心唔怕迟....餐厅偏细，今晚系星期五所以几多人，我哋由8:00食到差唔多11:00，期间都冇点少过人keep住坐满八九成。不过唔会觉得太焗促，环境尚可啦。讲返嘢食，我哋分别叫咗芝士焗牛脷盅、烤肋骨、焗鹿肉、Honey Cake、煎Pancake配杂莓果酱及云呢拿雪糕。我唔太好饮酒所以叫咗个有汽苹果汁，朋友叫咗杯啤酒。饮品就唔多评论，唔会有咩惊喜，唔会难饮啦。朋友话杯啤酒都几好。至于食物就真心唔错，水准几高！芝士焗牛脷盅 - 睇咗好多朋友都大力推介，一试果然坚正！牛脷好稔又好味，芝士味唔会太浓郁但好香，个酥皮稍偏硬但真系脆，蘸芝士汁极度好味，而且虽然餐厅将呢味放喺头盘餐牌，但份量真系唔细，真正抵食又好食！真心推介烤肋骨 - 又系招牌菜，上菜时waiter会即席点火，视觉效果几正。份量只有五件唔算多，但又系好软熟，味道亦好够，亦系好唔错嘅。焗鹿肉 - 其他人同红酒焗牛尾冇咩分别，只不过主角换成鹿肉，果然冇咩肥肉，但食落唔干
餐厅偏细，今晚系星期五所以几多人，我哋由8:00食到差唔多11:00，期间都冇点少过人keep住坐满八九成。不过唔会觉得太焗促，环境尚可啦。
讲返嘢食，我哋分别叫咗芝士焗牛脷盅、烤肋骨、焗鹿肉、Honey Cake、煎Pancake配杂莓果酱及云呢拿雪糕。我唔太好饮酒所以叫咗个有汽苹果汁，朋友叫咗杯啤酒。
饮品就唔多评论，唔会有咩惊喜，唔会难饮啦。朋友话杯啤酒都几好。
至于食物就真心唔错，水准几高！
芝士焗牛脷盅 - 睇咗好多朋友都大力推介，一试果然坚正！牛脷好稔又好味，芝士味唔会太浓郁但好香，个酥皮稍偏硬但真系脆，蘸芝士汁极度好味，而且虽然餐厅将呢味放喺头盘餐牌，但份量真系唔细，真正抵食又好食！真心推介
烤肋骨 - 又系招牌菜，上菜时waiter会即席点火，视觉效果几正。份量只有五件唔算多，但又系好软熟，味道亦好够，亦系好唔错嘅。
焗鹿肉 - 其他人同红酒焗牛尾冇咩分别，只不过主角换成鹿肉，果然冇咩肥肉，但食落唔干，入口口感唔差，味道就几好但唔算惊喜。
Honey Cake - 朋友叫嘅甜品，真系蜂蜜蛋糕，蜜糖味几浓但偏甜，口感软熟，嗜甜者或蜜糖迷会几钟意，我就普普通通啦⋯⋯
煎Pancake配杂莓果酱及云呢拿雪糕 - 呢道甜品几乎度度都有，呢度算整得几好，上菜时个卖相真系几吸引，班戟口感几烟韧，本身唔算甜，配上雪糕食到一冷一热效果，个果酱偏酸亦令成道甜品味道丰富咗，亦系甚推介嘅！
两个人食咗八百几蚊，以食咗嘅份量同质量计其实真系几值，唯一系可能顾客较多，做嘢嘅人偏少，所以样样都等比较耐，但喺今时今日嘅情况其实都可以接受了。
有汽苹果汁
15 浏览
0 赞好
0 留言
酥皮焗芝士牛脷盅
19 浏览
0 赞好
0 留言
酥皮焗芝士牛脷盅
21 浏览
0 赞好
0 留言
烤肋骨
20 浏览
0 赞好
0 留言
焗鹿肉
29 浏览
0 赞好
0 留言
煎班戟配杂莓果酱及云呢拿雪糕
23 浏览
0 赞好
0 留言
Honey Cake
23 浏览
0 赞好
0 留言
张贴
