新潮樓 (已結業)

今日相约几位朋友去九龙湾顺便食饭，见到一间位于九展新开嘅潮州餐厅，啱晒我哋钟意食中餐嘅朋友。餐厅用QR code下单非常方便，叫咗平时好钟意食嘅卤水鹅肠同鹅片，味道相当唔错，好入味，鹅肠几抵食，下面舖满左卤水豆腐，份量亦都非常多。另外，我地仲叫咗几样潮州特色菜，包括乌头，沾个豆瓣酱食，好开胃。个人比较钟意佢个竹笙北菇炖菜胆，个汤清清地，个竹笙质素相当唔错，好适合钟意食菜既朋友仔。要赞既系上菜速度好快，下次再嚟九龙湾会再帮衬。