Sushi Tokami

营业中

休息中

好多年冇食过咁难食嘅omakase嘞，喺第一贯嘅舍利开始就一头雾水，一开始嘅饭一铺木桶味，湿烂黐牙，跌米黐碟。事先切好d鱼肉摆太耐，食落去冇鲜味，冇油润嘅口感，甚至咸度我都食唔到，味同嚼蜡。朋友同大将提饭嘅问题，畀大将直接无视，当冇听到。而大将从头到尾都喺同个角落头𠮶两个几年冇嚟嘅老顾客倾计，完全无视我哋呢边，毫无交流。鲔鱼赤身冇熟成过，铁腥味酸味再加埋口感好似海绵。中腹勉强嘛嘛哋，大腹连筋都唔切两刀，简直离谱！筋多到塞牙，我自己𦧲咗。自己睇图啦，而且d鱼生表面睇落毫无油脂，干鲠鲠嘅。鱿鱼肉好弹牙，但系刀工毫无章法，好似喺食紧一旧橡擦胶。反而全场腌萝卜最好食，笑死。从鲷鱼开始d舍利先变得正常，估计放咗咁耐d水汽散晒，温度降咗。海胆呢种毫无技术含量啲寿司，仲可以。鳗鱼冇执好一铺泥湴味。最后嘅玉子烧简直不知所谓！南瓜色，冇玉子烧嘅香味，口感好似喺食紧冇味嘅啫喱。三个人➕一支酒埋单五位数。回转寿司嘅水准，米其林嘅价钱，大将态度冷漠。系咁先。