影片
更多
2017-08-23
12199 浏览
美心系嘅中菜一向都觉得唔错，水准稳定，而服务始终有一定嘅水平，加上依间「翠园」晌地理位置好，最近又收到信用卡推广，有啲抵食嘅套餐供应，所以，一班成年半无见嘅团友仔搞局聚一聚，第一时间就谂到嚟依度。大家确喺好耐无见，倾到鸡啄唔断咁，有朋友更啱啱去完东非肯亚，跟大家分享咗唔少趣闻逸事，让大家渡过一个相映成趣嘅晚上。唔知喺咪好似啲人所讲，零售、饮食都有啲寒冬，是晚星期三嚟到翠园，正值晚市时段，都喺约八乘满，以尖咀黄金地段，都唔算高入座。相反，我哋就觉得更舒服，客少啲，环境就清静啲，再者，安排咗张近窗口角落嘅大枱，可谓自成一角，更应自在。讲到明信用卡嘅推广套餐喺拣呢处嘅部份原因，所以，都无乜点睇个餐牌，但就知佢哋做紧个「食在老广州」嘅经典巧手菜系列，但同朋友倾偈，都无点留意有乜巧手菜。至于我哋打算点嘅「冬瓜盅 ‧ 龙虾尾 ‧原只鲍鱼宴」，都几抵食架，我哋一行7人，女多男少，点半围照样好够食。星期一至五，半围只卖$1,060，包6位茶位费及加一服务费、橙汁1酌或啤酒大支装1支，但须另收前菜费用，做到8月尾完。咸脆花生虽然套餐话须另收前菜费用，但张单好似无收过，当佢私人醒啦，仲俾到一枱两碗我哋。啲
唔知喺咪好似啲人所讲，零售、饮食都有啲寒冬，是晚星期三嚟到翠园，正值晚市时段，都喺约八乘满，以尖咀黄金地段，都唔算高入座。相反，我哋就觉得更舒服，客少啲，环境就清静啲，再者，安排咗张近窗口角落嘅大枱，可谓自成一角，更应自在。
讲到明信用卡嘅推广套餐喺拣呢处嘅部份原因，所以，都无乜点睇个餐牌，但就知佢哋做紧个「食在老广州」嘅经典巧手菜系列，但同朋友倾偈，都无点留意有乜巧手菜。
至于我哋打算点嘅「冬瓜盅 ‧ 龙虾尾 ‧原只鲍鱼宴」，都几抵食架，我哋一行7人，女多男少，点半围照样好够食。星期一至五，半围只卖$1,060，包6位茶位费及加一服务费、橙汁1酌或啤酒大支装1支，但须另收前菜费用，做到8月尾完。
咸脆花生虽然套餐话须另收前菜费用，但张单好似无收过，当佢私人醒啦，仲俾到一枱两碗我哋。啲花生既咸香，又脆口，食吓食吓其中一碗差唔多由小弟食晒。
芝士上汤焗龙虾尾（伊面底）讲明喺半围份量，龙虾尾数住只会得6件，至于啲虾身、虾头唔知会整咩菜式呢！因为我哋7个人，就只好牺牲吓小弟，净食啲芝士伊面，厚厚嘅芝士，感觉几似食紧捞丁，但面质稍腍。至于啲虾，朋友话都够爽口。
古法桂花炒鱼肚即喺碎蛋炒高级「猪皮」，加埋啲银芽，而啲鱼肚口感爽爽哋，但味道够为淡口，叫做不过不失，胜在份量足。
胡麻山葵脆炸虾丸一客有9粒，等我哋人人都有得试，估唔到又几好食，唔单因为炸嘢够甘香，啲虾丸几弹牙，虾味足，入口有阵阵芥辣味，淋上胡麻酱，颇有惊喜嘅菜式。
胡麻山葵脆炸虾丸
129 浏览
0 赞好
0 留言
海皇冬蓉羹汤品有两款：锦绣冬瓜盅或海皇冬蓉羹，但我哋未够8:00pm落单，冬瓜盅就已经话无货，有少少怀疑都唔知喺咪费事麻烦整，索索话无货。不过，个冬蓉羹本身都唔错，清甜好味，羹内有唔少虾肉粒。
原只鲍鱼伴花菇唔喺咩特别菜式，但胜在用料靓，花菇大大只，有肉地又有菇香；原只鲍鱼唔喺咩乜乜几头鲍，但一样唔失礼，算大只，最紧要扣得腍身兼入味，柔韧有嚼劲，配埋玻璃生菜，平凡中显出不平凡。
清蒸沙巴花尾趸食鱼鲜，清蒸真喺最佳食法之一，条鱼大概近两斤，蒸得恰到好处，鱼肉好嫩滑，又有鲜味，去到骨位亦无唔熟嘅情况。有时候，唔一定要食咩贵斑嘅，呢条沙巴花尾趸都好唔错吖。
清蒸沙巴花尾趸
146 浏览
1 赞好
0 留言
一餐饭，时蔬就点少得呀，菜苗虽然唔喺贵价嘅豆苗，但翡翠苗我都钟意，喜欢佢𠮶种脆脆哋身嘅爽口感，菜面铺满瑶柱碎同杞子，好睇又好食，尤其杞子，明目有益呀！
葱花酱油鸡今晚个套餐有个特别，唔知喺刻意定咁啱桥，就喺无红肉，比喺「肉感」嘅就只有依道白肉。碟酱油鸡喺半只份，味道犹如食烧味嘅油鸡，皮下脂肪少，外皮带点爽，肉鸡做得挺软滑，夹住葱花食，认真唔错。
鲜奶椰皇糕最后登场喺甜点，一小碟鲜奶椰皇糕，做得几精致㖞。上、下两层喺椰汁糕，中间𠮶层似喺大菜糕，但心思在加入椰皇水做，有一股清甜味，而且，混入椰皇肉，添一份咬口，大家都觉得好唔错。
鲜奶椰皇糕
116 浏览
0 赞好
0 留言
张贴
