大阪日本料理 (已結業)

呢间大阪日本料理开咗好耐，最近搬咗去富豪九龙酒店，地方好阔落，坐得舒服，价钱合理，适合大伙儿食饭。去到日本餐厅梗系要食刺身啦，我哋叫咗个刺身拼盘，有九款刺身，刺身选料上乘! 三文鱼好肥美，厚切嘅拖罗同油甘鱼都好肥美，口感好好。侍应有介绍食鱼嘅先后次序，由比较淡味嘅白身鱼开始食就冇错了。香葱吞拿鱼蓉卷亦唔错，好足料！！！然后我哋点咗啲热食，叫咗薄烧和牛、串烧同埋烧年糕。薄烧和牛好味，旁边嘅配菜亦好有诚意；另外仲有铁板烧杂菜，平衡和牛嘅肥腻。串烧亦好高质，牛舌系必食推介，好juicy的！最后食埋雪糕，好满意！