亞參雞飯 (又一城)

营业中

休息中

今日成班同事约埋一齐食饭，谂住近近地就喺又一城，食个饭就走，行上去见到依间排晒队，咪过去八吓有咩食？行到去出面，就飘住浸好浓郁嘅药材味，好似劲香甘，向前去睇，不得了！258二人餐，又有鸡又有猪骨煲好吸引㖞，就排队啦，因为我哋一行六人，所以等枱时间会耐少少，但一位服务员好细心，同我哋讲会等耐少少，要等埋隔离张枱先够位，仲好细心咁叫我哋入咗去坐低咗先，因为我哋都未齐人，结果，台台客都叫呢个药膳猪骨煲，啲香味漂到成间舖都闻到，越闻越肚饿，个服务员见到我周围望，走过来问我需唔需要帮我点餐先，相当细心，最后，我哋点两个二人餐，只鸡依然系咁好食咁滑，𠮶个松板肉都唔差，正常，但依个猪骨煲，真系不得了，好好饮，𠮶啖汤，好浓郁嘅猪骨味，同埋药材嘅甘甜味，又唔会太甜，饮完成个身都感觉暖晒，而且个猪骨仲有大啖肉，仲可以啜到个骨髓！正👍🏻