影片
更多
2023-12-02
1182 浏览
上次出嚟旺角食饭时，经过见到呢间铺面「暗黑」嘅餐厅，连名都唔见有，都有啲好奇架嘢。今晚又约咗老友聚旧食饭，因为就大家方便，就定晌旺角，结果想返起呢间餐厅，上网揾揾，原本喺间咖啡店，名叫「Black Coffee」，啱晒我啦。踏进餐厅，一室以黑色或深灰色为主调，衬以水泥地，感觉都几型格，加上楼底高，对外一边又喺落地大玻璃窗，所以，整体空间感十足，予人感觉都几舒服。晌近门口餐厅嘅一角，仲有啲咖啡相关嘅产品，例如咖啡豆、咖啡杯作零售，有兴趣嘅客人不妨选购一啲。餐牌制作得好精美，同样以黑色为背景色调，咁作为咖啡店，咖啡梗喺主打啦，一起首就介绍饮品先，除咗多款别具特色嘅咖啡之外，仲有鸡尾酒、热茶、手摇冰茶、果汁及其他特色饮品。食物方面，类别就分为沙律、全日早餐、饭品、意大利面、意大利饭、汉堡……等等。配搭都几新派、几有创意，所以，都话依家唔好睇少啲咖啡店，供应嘅食物非常之多元化。此外，作为一间咖啡店，佢哋所提供嘅甜品款式亦算特别多，包括梳乎厘班戟、窝夫、法式千层酥及几款特色甜点。晌吧枱度仲番意到有张推广到会套餐嘅餐牌，分6-8、10-12、20人以上，迟到圣诞、大除夕，啱晒搞派对时多个选择。餐厅
踏进餐厅，一室以黑色或深灰色为主调，衬以水泥地，感觉都几型格，加上楼底高，对外一边又喺落地大玻璃窗，所以，整体空间感十足，予人感觉都几舒服。
晌近门口餐厅嘅一角，仲有啲咖啡相关嘅产品，例如咖啡豆、咖啡杯作零售，有兴趣嘅客人不妨选购一啲。
餐牌制作得好精美，同样以黑色为背景色调，咁作为咖啡店，咖啡梗喺主打啦，一起首就介绍饮品先，除咗多款别具特色嘅咖啡之外，仲有鸡尾酒、热茶、手摇冰茶、果汁及其他特色饮品。
食物方面，类别就分为沙律、全日早餐、饭品、意大利面、意大利饭、汉堡……等等。配搭都几新派、几有创意，所以，都话依家唔好睇少啲咖啡店，供应嘅食物非常之多元化。
此外，作为一间咖啡店，佢哋所提供嘅甜品款式亦算特别多，包括梳乎厘班戟、窝夫、法式千层酥及几款特色甜点。
晌吧枱度仲番意到有张推广到会套餐嘅餐牌，分6-8、10-12、20人以上，迟到圣诞、大除夕，啱晒搞派对时多个选择。
餐厅备有小篮，俾客人摆放手袋、背包，咁样就坐得更加舒服。
白桃手摇冰茶 $48老友就对咖啡一般般，所以，拣咗呢个手摇冰茶，佢就话睇个卖相好清爽，入口茶底好清幽芳香，渗出阵阵白桃味，又无话太甜，可以讲恰到好处，而跟一阵所食浓味嘅意大利饭，佢话好夹、衬到绝啰！
焦糖鲜奶咖啡 $44唔使多讲，我就梗喺饮鲜奶咖啡啦，呢个喺晌咖啡店嘅必然首选。睇见个拉花已经喺一件赏心乐事，拉花线纹细致，表面好平滑，卖相就无乜挑剔位喇，而咖啡味道醇和，有果仁香气，再渗出阵阵焦糖味，冲泡嘅手势亦有一手，无搅过，饮落每一口都好均匀。
焦糖鲜奶咖啡
$44
16 浏览
0 赞好
0 留言
带马拉风味嘅喇沙喺小弟几喜欢嘅味道之一，所以，就试一试下呢个珍珠饭。白饭之上洒上少少微辣嘅辣椒粉，再伴有少少沙律菜，令到卖相确精致咗好多。啲手制肉丸几松化，食落唔觉有太多肥肉，而啲忌廉喇沙汁好香浓，又渗出唔少香料味，用嚟捞饭真喺一流。
自家烟熏猪腩配黑啤意大利饭 $138意大利饭一向喺可以试到师傅手势嘅菜式，加上呢个又喺厨师推介，当然要试试佢啦。以一个小砵形式上枱，几别致，3片自家烟熏猪腩做得外观吸引，入口外层有少少焦脆香，咬落松化，又无预期中咁油腻，而个黑啤意大利饭食落就唔会有酒味架喇，但饭粒口感烟韧有咬口，略带微微甜味，加咗少少清爽嘅青苹果粒，捞饭食，吊出阵阵清爽，好有画龙点睛之效。
自家烟熏猪腩配黑啤意大利饭
$138
480 浏览
0 赞好
0 留言
自家制青苹果拖肥金宝酱日式疏乎厘班戟 $102我哋就拣咗其中一款梳乎厘班戟作为饭后甜点，嚟到个班戟真喺震腾腾咁，淋满晒拖肥酱汁，非常吸引。啲梳乎厘班戟做得好软绵绵，空气感强，微微湿润，极有蛋香，单系衬啲拖肥酱已经好好味，再加埋烘焙过嘅青苹果粒粒同埋松脆嘅金宝粒粒，真喺滋味三重奏。
自家制青苹果拖肥金宝酱日式疏乎厘班戟
$102
20 浏览
1 赞好
0 留言
餐厅嘅环境写意舒服，而食物嘅设计有啲创意同心思，师傅煮嘢嘅手艺亦都唔错，让我哋今晚可以叹返餐好嘅，仲轻轻松松倾咗成晚偈。
张贴
