影片
更多
2010-11-25
99 浏览
太师母成日都话要请师傅饮茶, 于是师傅只好度个期比佢老人家啦, 而太师母系边个? 咪就系师公个母亲啰! 地点由师傅负责, 师傅当然系揾间未试过的, 不过价钱太贵的师傅又唔敢拣, 但太平太差的师傅又冇咩兴趣, 谂到头都爆后决定拣呢一间食店作为当天的午市饮茶啦!师傅再早几日留定枱, 当日准时到达, 去到环境觉得都几舒服, 咁都好正常, 假假地呢间食店系入选米芝连, 所以师傅都几期待; 坐底后先开壶茶, 拣左铁官音, 未食野前当然系先品下茶, 发觉铁官音味道好淡, 冇味道亦唔香, 系有色嘅滚水, 如果以茶黎讲呢种茶都算得上劣, 师傅唔系好顶得顺下再开多壶香片, 呢壶香片比铁官音好得多, 虽然未能算得上劲芳香, 但至少有香味同茶味, 入口对办好多!之后师傅一口气就划左好多款点心, 当中不乏师傅嘅至爱啦, 排名不分先后分别有带子烧卖, 香煎腐皮卷, 紫菜墨鱼饼, 鲜虾蒸肠粉, 叉烧包, 黑椒蒸爽肚, 虾饺, 狗不理, 豉油王炒肠粉, 棉花鸡, 蜜汁烧鳝, 卤水猪脚仔同雪菜鸭丝炆粉丝, 十二款点心加一款炒粉, 一定够晒五个人食啦! 先讲带子烧卖, 带子烧卖面头粒带子仔都实身, 肉质麻麻, 不过烧卖
师傅再早几日留定枱, 当日准时到达, 去到环境觉得都几舒服, 咁都好正常, 假假地呢间食店系入选米芝连, 所以师傅都几期待; 坐底后先开壶茶, 拣左铁官音, 未食野前当然系先品下茶, 发觉铁官音味道好淡, 冇味道亦唔香, 系有色嘅滚水, 如果以茶黎讲呢种茶都算得上劣, 师傅唔系好顶得顺下再开多壶香片, 呢壶香片比铁官音好得多, 虽然未能算得上劲芳香, 但至少有香味同茶味, 入口对办好多!
之后师傅一口气就划左好多款点心, 当中不乏师傅嘅至爱啦, 排名不分先后分别有带子烧卖, 香煎腐皮卷, 紫菜墨鱼饼, 鲜虾蒸肠粉, 叉烧包, 黑椒蒸爽肚, 虾饺, 狗不理, 豉油王炒肠粉, 棉花鸡, 蜜汁烧鳝, 卤水猪脚仔同雪菜鸭丝炆粉丝, 十二款点心加一款炒粉, 一定够晒五个人食啦!
先讲带子烧卖, 带子烧卖面头粒带子仔都实身, 肉质麻麻, 不过烧卖里嘅肥猪肉真系少, 少到好似冇咁, 所以入口唔会成口油, 但略嫌实少少, 一般d; 香煎腐皮卷就真系好脆口, 而馅料系全虾, 虾身大只爽口, 外脆肉爽堪称一绝, 呢款点心绝对值得一试, 师傅就强烈推介; 紫菜墨鱼饼入口食唔到有紫菜味, 更莫讲话有墨鱼味啦, 而墨鱼饼就非常硬身, 而实又硬又唔香, 呢个真系可以唔试!
鲜虾蒸肠粉嘅虾又系劲大只, 入口爽口新鲜, 半点雪味都食唔到, 不过肠粉就唔够薄同滑, 如果肠粉再做得出色d相信更吸引; 叉烧包师傅真系唔多识讲, 就系觉得间间酒楼都咁上下, 唯一食得出系叉烧系瘦多过肥膏, 口感较好; 至于黑椒蒸爽肚亦系一款令师傅喜出望外的点心, 皆因黑椒够香, 香而不太辣, 加上爽肚十分爽口, 少少韧都唔会有, 香中带爽, 值得一试!
虾饺的皮不算薄, 入口略为烟韧, 不过师傅杯茶, 不过师傅相信一定有食客喜爱较烟韧的虾饺皮, 至于馅料嘅虾真系好大只好爽口, 最过瘾系连笋丝都唔多觉有条, 更莫讲话肥猪肉啦, 够胆用纯虾做虾饺嘅馅真系冇咩几多间, 真材实料, 纵使皮较烟韧但馅料嘅水准足以挽回所有分数, 得呀; 狗不理对于师傅黎讲即系鸡包仔, 包类物体师傅始终唔多识讲, 一般啦!
豉油王炒肠粉系有色冇味, 如果唔点甜酱同麻酱, 真系唔多掂, 呢个都可以不理; 棉花鸡师傅冇食到, 所以唔知水准如何, 不过都唔会太差啩; 至于蜜汁烧鳝亦系一道令人惊喜嘅小食, 鳝片烧得非常香口, 外身甜甜地, 肉身松软新鲜, 最重要系冇骨, 唯一要弹系腥少少, 如果能除去腥味相信会更加好味; 卤水猪脚仔够腍身冇异味, 可以啦; 雪菜鸭丝炆粉丝就唔掂喇, 冇雪菜味, 冇鸭丝味, 要用辣椒油先觉得有味道, 所以呢个雪菜鸭丝炆粉丝都可以不试!
总括黎讲食物质素不俗, 有强项亦有弱项, 不过值得一赞系冇味精, 而环境亦十分舒服, 服务就真系五星级, 有礼貌有笑容, 价钱比师傅想像中平, 五个人埋单折埋都系八旧几水, 用狮子银行或咸湿银行嘅白金卡都有九折, 好似仲有其他几间嘅白金卡都有, 恕师傅未能详列! 能够同屋企人一齐饮餐茶, 相聚一刻, 确实系赏心乐事, 真的要感恩, 最后还得多谢太师母, 令师傅可以试呢一间食店; 有机会师傅都会再黎, 不过一定系晚市, 皆因好想试下只北京田鸭, 笑脸值得一比!
张贴
