影片
更多
2011-08-02
12 浏览
以前去外地旅行，认识咗个台湾人，不过依家都少咗联络，但咁啱佢同太太、一对仔过嚟香港旅行，虽然系自由行，由于佢哋已经安排好晒行程，所以叫我唔使特别陪佢哋，不过咁耐无见，食番餐就唔少得架喇！问咗佢哋喜好，都系就番两个细路，想食啲惹味嘅嘢，所以，就拣嚟Tony Roma锯吓扒，食吓烧肋骨！星期六嘅晚上，好多客人，我哋迟到咗几个字，都尽量等我哋嚟俾枱我哋，安排坐晌入门口左边较入嘅马蹄形座位，比较静焗少少，方便倾偈！点菜就由我发办，全部都系香口嘢，而且比较多肉，希望佢哋食得开心。先嚟啲免费法包，配香草牛油，法包只系暖暖哋，包面脆但包身稍硬，未够软熟，而香草牛油软滑带有阵阵香草味，加番少少分。热身完，好快就上其他菜式。不过，事后见啲细路好钟意食啲法包，所以再麻烦啲店员嚟多一份，但系叫咗好几次，三催四请先拎到嚟，大佬我哋都叫咗好几样嘢啦，唔系以为贪你啲免费法包啩！烧鸡凯撒沙律凯撒沙律做底，加一块烤鸡胸。个凯撒沙律就几好食，沙律菜够冻又爽甜，洒满芝士碎，沙律汁亦很有层次，唔系得个酸字。烤鸡胸虽然大大件，烧得个样几靓，但都系嚡咗少少，不过，鸡胸已切好一小件一小件咁，方便食用！香脆三文鱼春卷其实无咩特别，
星期六嘅晚上，好多客人，我哋迟到咗几个字，都尽量等我哋嚟俾枱我哋，安排坐晌入门口左边较入嘅马蹄形座位，比较静焗少少，方便倾偈！点菜就由我发办，全部都系香口嘢，而且比较多肉，希望佢哋食得开心。
先嚟啲免费法包，配香草牛油，法包只系暖暖哋，包面脆但包身稍硬，未够软熟，而香草牛油软滑带有阵阵香草味，加番少少分。热身完，好快就上其他菜式。不过，事后见啲细路好钟意食啲法包，所以再麻烦啲店员嚟多一份，但系叫咗好几次，三催四请先拎到嚟，大佬我哋都叫咗好几样嘢啦，唔系以为贪你啲免费法包啩！
烧鸡凯撒沙律
凯撒沙律做底，加一块烤鸡胸。个凯撒沙律就几好食，沙律菜够冻又爽甜，洒满芝士碎，沙律汁亦很有层次，唔系得个酸字。烤鸡胸虽然大大件，烧得个样几靓，但都系嚡咗少少，不过，鸡胸已切好一小件一小件咁，方便食用！
香脆三文鱼春卷其实无咩特别，只系以三文鱼做馅嘅炸春卷，一客4件，但每件都几大，况且馅料十足无欺场，啖啖三文鱼肉，最精彩系跟春卷个酱，带有浓厚嘅芝士香，再配伴碟嘅酸青苹果条，伴住咁食令你觉得去去油腻。
烧肋骨配烤鸡嚟到有少少打个突，因为烤鸡原来是一只烧鸡脾，仲系只右脾，如果唔系有啲烤过嘅坑纹，仲以为俾咗只卤水鸡脾添。烧猪肋骨成尺咁多，有8件之多，唔使多讲，浓香惹味嘅烧烤酱，肉地松化嘅猪肋骨，两者最合拍，大啖大啖咁食，果然好好味，保持上佳水准。至于只烧鸡脾都OK，几入味，但同条肋骨比，就差咗两皮。伴碟仲有麦记薯条同酸椰菜丝，前者同麦记食开无分别，后者酸香醒胃。
烧肋骨配牛扒依个烧肋骨就拣咗搭牛扒，配菜要烚粟米同酸椰菜丝。件碳烧牛扒有少少过火，未至于韧，但可以仲好啲，不过就不得不赞佢肉味浓、肉汁多，配上洋葱汁，几正。配菜嘅烚粟米，当然唔及烧粟米香口，但依家烚嘅，食得出粟米很甜！
今晚几样嘢都好啱佢哋食，全部清晒，食到啲细路一咀都系油。原来佢哋嚟咗两日几，都未坐过叮叮同小轮，所以，就带佢哋坐叮叮落中环，跟住坐天星过尖沙咀，睇埋IFC、湾仔会展、天星码头、文化中心……几个沿路景点，算系带佢哋逛过吓啦，哈哈！
张贴
