翡翠拉麵小籠包 (已搬遷) 新店位置

今晚同两位中学同学一齐食饭聚旧，其中一位提议食中菜，于是落脚点去左世贸既翡翠拉面小笼包。星期六晚大约八点去到门口，三人台都只系等第四张，都唔算好耐，好快就入座，仲有卡位坐添。由于大家谂住食完之后，会出外面再食甜品，所以只系选左以下五样菜色：1. 熏鱼论熏鱼，一定会同最近帮衬既钻石山夏面馆有比较。翡翠每件大小都会比夏面馆大少少，而且较少骨，不过讲到全碟份量真系唔及夏面馆多，而且夏面馆既酱汁会比翡翠吸引。食最紧要滋味，所以都系夏面馆优胜少少。2. 菜肉云吞汤一碗六粒，汤无味精算系唔错，每粒菜肉云吞都有一只羹咁大。本来打算要小笼包，但系一笼四只，三个人分唔匀，而家要个菜肉云吞汤，分得匀仲有汤暖下肚，无拣错。3. 四川担担拉面问侍应有无得走辣，佢话无，顶多只系少辣。点知呢，原来都比我地所想既辣，两位朋友食完一两小碗之后耍晒手，无计，我地几个都怕食到爆疮或者喉咙痛。相比起黎，咏藜园个汤底赢晒，翡翠呢碗只食到辣而食唔到香。侍应抵赞，打单个阵自动打埋「剪面」，方便我地三个人分，呢样够细心。4. 上海炒粗面粗炒又一次输俾夏面馆，上次写夏面馆食评时赞佢油而不腻，每条面都有咬口，今次翡翠系食到一碗都系油。