Izumi Curry (已結業)

放工约埋三五知己聊天食饭，放低平日紧张而忙碌的工作，大吃一顿，又可畅所欲言，真是开心至极。今次我哋提议食咖喱，知道附近开咗间日式咖喱，我哋一于试试！入内环境都好舒服，家俱全部都是木材制成，好原始感觉！再睇餐牌有乜好吃，有饭、乌冬、小吃…… 我哋叫咗吉列猪排咖喱饭、吉列海鲜咖喱饭、芝士𫠒鱼、芝士炒年糕。先嚟两个小吃，上枱已闻到好香嘅芝士味，一口咬落𫠒鱼到好软淋淋，再爆埋D芝士出来……正呀 再试埋个炒年糕，好咬口，一拉芝士都唔断，好香软，好好味呀！主菜嚟啦，卖相唔错，份量都好足。我嘅海鲜有炸帆立贝、炸虾及炸鱼，一咬已脆卜卜，D咖喱唔会好辣，仲带点甘甜，好特别。D猪排炸得好松软，啖啖肉配埋咖喱一流。今餐各人食得好满足